ఖార్టూమ్: సూడాన్లోని (Sudan) పోర్ట్ సూడాన్ ఎయిర్పోర్టులో (Port Sudan airport) సాంకేతిక లోపం తలెత్తడంతో ఓ విమానం కుప్పకూలింది (Crashed). పోర్ట్ సూడాన్ విమానాశ్రయం నుంచి పౌరులతో వెళ్తున్న ఆంటోనోవ్ విమానం (Civilian plane).. టేకాఫ్ అవుతుండగా సాంకేతిక లోపంవల్ల (Technical failure) కూలిపోయింది. దీంతో తొమ్మిది మంది దుర్మరణం చెందారు. వారిలో నలుగురు సైనిక సిబ్బంది (Military personnel) ఉన్నట్లు ఆ దేశ సైన్యం వెల్లడించింది. ఈ ప్రమాదంలో ఒక చిన్నారి ప్రాణాలతో బయటపడిందని తెలిపింది.
సూడాన్ రాజధాని ఖార్టూమ్లో (Khartoum) సైన్యం, పారామిలిటరీ బలగాల మధ్య ఆధిపత్య పోరు ప్రారంభమై ఆదివారం నాటికి వంద రోజులు పూర్తయింది. ఈ ఏడాది ఏప్రిల్ 15 నుంచి ఖార్టూమ్, ఇతర ప్రాంతాల్లో సూడాన్ సైన్యం, పారామిలిటరీ ర్యాపిడ్ సపోర్ట్ ఫోర్సెస్ మధ్య ఘర్షణలు కొనసాగుతూనే ఉన్నాయి. కాగా, ఖార్టూమ్కు తూర్పున 890 కిలోమీటర్ల దూరంలో పోర్ట్ సుడాన్ విమానాశ్రయం ఉన్నది. ఘర్షణల కారణంగా ఖార్టూమ్ అంతర్జాతీయ విమానాశ్రయంలో సేవలను నిలిపివేశారు. దీంతో దేశంలోని ప్రధాన విమానాశ్రయంగా పోర్ట్ సుడాన్ ఎయిర్పోర్టును ఉపయోగిస్తున్నారు.