న్యూయార్క్: అమెరికాలోని న్యూయార్క్ (New York) వీధులు మరోసారి కాల్పుల మోతతో దద్దరిల్లాయి. న్యూయార్క్ సిటీలోని బ్రాన్స్క్ హైస్కూల్ బయట బయట ఓ దుడగుడు కాల్పులు జరిపాడు. దీంతో స్కూల్ నుంచి బయటకు వస్తున్న ఓ విద్యార్థిని మృతిచెందింది. మరో ఇద్దరు తీవ్రంగా గాయపడ్డారు. స్కూల్ ఎదురుగా ఓ వ్యక్తి మరికొందరితో గొడవపడుతున్నాడు. ఈ క్రమంలో సహనం కోల్పోయిన అతడు ఒక్కసారిగా కాల్పులకు పాల్పడ్డాడు. దీంతో స్కూల్ నుంచి బయటకు వస్తున్న అమ్మాయి ఛాతీలోకి బుల్లెట్ దూసుకెళ్లింది. మరో ఇద్దరు కాళ్లకు గాయాలయ్యాయి.
సమాచారం అందుకున్న పోలీసులు ఘటనా స్థలానికి చేరుకున్నారు. ముగ్గురిని దవాఖానకు తరలించారు. అయితే తీవ్రంగా గాయపడిన ఆ యువతి మృతిచెందిందని న్యూయార్క్ పోలీస్ చీఫ్ కీఛంట్ సెవెల్ చెప్పారు. దుండగుడు పరారీలో ఉన్నాడని, అతనికోసం గాలిస్తున్నామని వెల్లడించారు.