ఓటీపీలు ఆలస్యం.. వాహనదారులకు ఇక్కట్లు

ఆర్టీఏ సేవలు పొందడంలో ఓటీపీలు సకాలంలో రాక వాహనదారులు తీవ్ర ఇబ్బందులు ఎదుర్కొంటున్నారు. స్లాట్‌ బుక్‌ చేసుకోవడానికి, లైసెన్స్‌ దరఖాస్తులో ఓటీపీలు కీలకం. అవి ఎంటర్‌ చేస్తేనే సేవలు అందుతాయి. ఈ క్రమంలో సర్వర్‌ సమస్యలు ఉత్పన్నమవడంతో ఓటీపీలు ఆలస్యంగా వచ్చాయి.

సిటీబ్యూరో, ఏప్రిల్‌ 7 ( నమస్తే తెలంగాణ ): ఆర్టీఏ సేవలు పొందడంలో ఓటీపీలు సకాలంలో రాక వాహనదారులు తీవ్ర ఇబ్బందులు ఎదుర్కొంటున్నారు. స్లాట్‌ బుక్‌ చేసుకోవడానికి, లైసెన్స్‌ దరఖాస్తులో ఓటీపీలు కీలకం. అవి ఎంటర్‌ చేస్తేనే సేవలు అందుతాయి. ఈ క్రమంలో సర్వర్‌ సమస్యలు ఉత్పన్నమవడంతో ఓటీపీలు ఆలస్యంగా వచ్చాయి.నగరంలో చాలా వరకు ఆర్టీఏ కార్యాలయాల్లో మంగళవారం సర్వర్‌ సతాయించడంతో వాహనదారులు సకాలంలో సేవలు పొందలేకపోయారు.

ముఖ్యంగా లైసెన్స్‌ దరఖాస్తులో ఓటీపీలు చాలా వరకు ఎంటర్‌ చేయాల్సి ఉండటంతో సమస్య మరింత జఠిలంగా మారిందని సిబ్బంది తెలిపారు. ఇటీవల మీసేవా కేంద్రాల్లో సైతం అప్‌డేట్‌లో భాగంగా రెండు రోజులు సేవలు నిలిచిపోయిన విషయం తెలిసిందే. బుధవారం కొన్ని గంటల పాటు సేవలకు అంతరాయం ఏర్పడిందని దరఖాస్తుదారులు తెలిపారు.