Teachers | స్టూడెంట్స్ అటెండెన్స్ 95% ఉంటేనే టీచర్లకు సెలవులు.. హైదరాబాద్ కలెక్టర్ ఉత్తర్వులతో ఉపాధ్యాయుల్లో అసహనం!
Teachers | ప్రభుత్వ పాఠశాలల్లో ఉపాధ్యాయులు సెలవు తీసుకోవాలంటే కొత్త నిబంధనలు పాటించాల్సిందేనని హైదరాబాద్ జిల్లా కలెక్టర్ ప్రియాంక జారీ చేసిన ఉత్తర్వులు ఉపాధ్యాయ వర్గాల్లో చర్చనీయాంశంగా మారాయి.
Teachers | ప్రభుత్వ పాఠశాలల్లో ఉపాధ్యాయులు సెలవు తీసుకోవాలంటే కొత్త నిబంధనలు పాటించాల్సిందేనని హైదరాబాద్ జిల్లా కలెక్టర్ ప్రియాంక జారీ చేసిన ఉత్తర్వులు ఉపాధ్యాయ వర్గాల్లో చర్చనీయాంశంగా మారాయి. విద్యార్థుల ఎఫ్ఆర్ఎస్ (FRS) హాజరు 95 శాతం దాటితేనే ఉపాధ్యాయులకు సెలవులు మంజూరు చేయాలని, అది కూడా అడిషనల్ కలెక్టర్ ద్వారానే అనుమతి పొందాలని ఆదేశించడం వివాదానికి దారితీసింది. ఈ నిబంధనలపై జిల్లా వ్యాప్తంగా ఉన్న ప్రభుత్వ ఉపాధ్యాయులు, ఉపాధ్యాయ సంఘాలు తీవ్ర అసహనం వ్యక్తం చేస్తున్నాయి.
హైదరాబాద్ జిల్లాలో మొత్తం 672 ప్రభుత్వ పాఠశాలలు ఉండగా.. వాటిలో సుమారు 6,200 మంది ఉపాధ్యాయులు పనిచేస్తున్నారు. ఉపాధ్యాయులు, ప్రధానోపాధ్యాయులు, ఇతర అధికారులు సెలవు కావాలంటే అడిషనల్ కలెక్టర్కు దరఖాస్తు చేసుకుని అనుమతి పొందాలని కలెక్టర్ ఉత్తర్వుల్లో పేర్కొన్నట్లు తెలుస్తోంది. అంతేకాకుండా సంబంధిత పాఠశాలలో విద్యార్థుల ఎఫ్ఆర్ఎస్ హాజరు 95 శాతానికి పైగా నమోదైతేనే సెలవు మంజూరు చేయాలనే నిబంధన విధించారు.
ఈ నిబంధనపై ఉపాధ్యాయులు అభ్యంతరం వ్యక్తం చేస్తున్నారు. హైదరాబాద్ జిల్లాలో వివిధ రాష్ట్రాలు, ప్రాంతాలకు చెందిన విద్యార్థులు చదువుకుంటున్నారని చెబుతున్నారు. వారికి వేర్వేరు పండుగలు, సంప్రదాయాలు ఉంటాయని.. అలాంటి సందర్భాల్లో కొందరు విద్యార్థులు పాఠశాలకు హాజరుకాకపోవచ్చని వివరిస్తున్నారు. ఒకరిద్దరు విద్యార్థులు తరచూ గైర్హాజరైనా 95 శాతం హాజరు సాధించడం కష్టమని అంటున్నారు. విద్యార్థుల హాజరును సెలవుల మంజూరుతో ముడిపెట్టడం సరికాదని అభిప్రాయపడుతున్నారు.
ఉపాధ్యాయులకు అనారోగ్యం, కుటుంబ అత్యవసర పరిస్థితులు లేదా ఇతర అనివార్య కారణాలతో సెలవు అవసరమైతే.. వెంటనే అడిషనల్ కలెక్టర్ను కలిసి దరఖాస్తు ఇచ్చి అనుమతి తీసుకోవడం ఎలా సాధ్యమని ప్రశ్నిస్తున్నారు. అత్యవసర పరిస్థితుల్లోనూ ఇదే విధానాన్ని అనుసరించాలా అని నిలదీస్తున్నారు. పాఠశాల స్థాయిలో సెలవుల మంజూరుకు ఉన్న సాధారణ విధానాన్ని కఠినతరం చేయడం వల్ల ఉపాధ్యాయులు ఇబ్బందులు ఎదుర్కొంటారని ఆందోళన వ్యక్తం చేస్తున్నారు. కలెక్టర్ జారీ చేసిన ఈ ఉత్తర్వులను వెంటనే వెనక్కి తీసుకోవాలని ఉపాధ్యాయ సంఘాలు డిమాండ్ చేస్తున్నాయి. విద్యార్థుల హాజరు పెంచేందుకు చర్యలు తీసుకోవడాన్ని తాము వ్యతిరేకించడం లేదని, అయితే దానిని ఉపాధ్యాయుల సెలవులతో ముడిపెట్టడం సమంజసం కాదని పేర్కొంటున్నాయి. ఉపాధ్యాయుల ఇబ్బందులను పరిగణనలోకి తీసుకుని సెలవుల మంజూరు విధానాన్ని గతంలో మాదిరిగానే కొనసాగించాలని కోరుతున్నాయి.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Teachers | స్టూడెంట్స్ అటెండెన్స్ 95% ఉంటేనే టీచర్లకు సెలవులు.. హైదరాబాద్ కలెక్టర్ ఉత్తర్వులతో ఉపాధ్యాయుల్లో అసహనం!
Ranabaali | విజయ్ దేవరకొండ ‘రణబాలి’కి ఓటీటీలో అద్భుతమైన స్పందన.. నెట్ఫ్లిక్స్లో ట్రెండింగ్!
మేనిఫెస్టోకు మూడేళ్లు.. కాంగ్రెస్ నయవంచనకు మూడేళ్లు.. అభయ హస్తం కాస్త మొండి హస్తమయ్యిందని హరీశ్రావు సెటైర్లు
Kyiv Bridges: కీవ్లో రెండు బ్రిడ్జ్లపై రష్యా దాడి: మేయర్ క్లిచ్కో
లావుడియా తండ గ్రామ పెద్దగా వాగ్య నాయక్ ఎన్నిక
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

