సిటీకి గోదావరి జలాలు

నగరంలో నీటి ఎద్దడిని అరికట్టేందుకు గోదావరి జలాలను మళ్లించేందుకు జలమండలి కసరత్తు చేస్తున్నది. ఈ నేపథ్యంలో సింగూరు, మంజీరా నీటినిల్వలు డెడ్‌ స్టోరేజీకి చేరువ అవుతుండటంతో ఆయా ప్రాంతాలకు గోదావరి జలాలను మళ్లించేందుకు ప్రత్యేక కార్యాచరణ రూపొందిస్తున్నది

సిటీబ్యూరో: నగరంలో నీటి ఎద్దడిని అరికట్టేందుకు గోదావరి జలాలను మళ్లించేందుకు జలమండలి కసరత్తు చేస్తున్నది. ఈ నేపథ్యంలో సింగూరు, మంజీరా నీటినిల్వలు డెడ్‌ స్టోరేజీకి చేరువ అవుతుండటంతో ఆయా ప్రాంతాలకు గోదావరి జలాలను మళ్లించేందుకు ప్రత్యేక కార్యాచరణ రూపొందిస్తున్నది. ఓఆర్‌ఆర్‌ సమీపంలోని వెలిమెల వద్ద 3000 ఎంఎం డయా గోదావరి రింగ్‌ మెయిన్‌ను 1200 ఎంఎం డయా గల మంజీరా ఫేజ్‌-3, 4 గ్రావిటీ మెయిన్‌ లైన్‌తో అనుసంధానించే పనులు చేపట్టింది. ఈ పనుల పురోగతిని టెక్నికల్‌ డైరెక్టర్‌ ప్రభు, సీజీఎం రాజశేఖర్‌ ఆదివారం పరిశీలించారు. పనులు వేగవంతం చేసి వీలైనంత తొందరగా పూర్తిచేయాలని అధికారులను ఆదేశించారు.