హైదరాబాద్ : షబ్ ఏ బరాత్ సందర్భంగా హైదరాబాద్ నగరంలోని అన్ని ఫ్లై ఓవర్లను మూసివేస్తున్నట్లు హైదరాబాద్ ట్రాఫిక్ పోలీసులు ప్రకటించారు. శుక్రవారం రాత్రి 10 గంటల నుంచి శనివారం ఉదయం 6 గంటల వరకు ఫ్లై ఓవర్లను మూసివేయనున్నారు. గ్రీన్ ల్యాండ్స్, పీవీఎన్ఆర్ ఎక్స్ప్రెస్ వేకు మినహాయింపు కల్పించారు. షబ్ ఏ బరాత్ సందర్భంగా ఎలాంటి అవాంఛనీయ ఘటనలు చోటు చేసుకోకుండా ముందస్తు జాగ్రత్తగా అన్ని రకాల చర్యలు తీసుకుంటున్నామని పోలీసులు తెలిపారు.