శుభాలకు సంకేతం

స్వస్తిక్‌ అనేది మన సంప్రదాయంలో శుభానికి సంకేతంగా ఉన్న ఒక చిహ్నం. ఇందులో కొన్ని విశిష్టతలను మనం గమనించవచ్చు. స్వస్తి కలిగించేది స్వస్తిక్‌. అంటే శుభాలను ప్రసాదించేది అని అర్థం. స్వస్తిక్‌లోని అన్ని కోణాలూ సవ్యదిశగా చూస్తూ ఉంటాయి. సవ్యదిశగా చేసే ప్రయాణాన్ని ప్రదక్షిణం అంటారు.

స్వస్తిక్‌ అనేది మన సంప్రదాయంలో శుభానికి సంకేతంగా ఉన్న ఒక చిహ్నం. ఇందులో కొన్ని విశిష్టతలను మనం గమనించవచ్చు. స్వస్తి కలిగించేది స్వస్తిక్‌. అంటే శుభాలను ప్రసాదించేది అని అర్థం. స్వస్తిక్‌లోని అన్ని కోణాలూ సవ్యదిశగా చూస్తూ ఉంటాయి. సవ్యదిశగా చేసే ప్రయాణాన్ని ప్రదక్షిణం అంటారు. అది దేవతల అనుగ్రహాన్ని మనపై వర్షింపజేసి మనకు సకల శుభాలనూ ప్రసాదిస్తుంది.

తూర్పు నుంచి బయలుదేరితే సవ్యదిశగా చేసే ప్రయాణంలో గమ్యం ఉత్తరం అవుతుంది. ఉత్తరం అంటే ఉన్నదానికంటె శ్రేష్ఠమైనది (ఉత్‌, తరం). మేలైనది అని అర్థం. కనుక శ్రేయోదాయకమైన గమనాన్ని సూచిస్తుందిది. మరికొందరి దృష్టిలో స్వస్తిక్‌ గుర్తు సూర్యుడికి సంకేతం. వెలుగు, విద్య, జ్ఞానం మొదలైనవాటికి సూర్యుడు ప్రతీక. సూర్యుడి సంజ్ఞగా భావించే స్వస్తిక్‌ శుభసూచకమని మన పెద్దల అభిప్రాయం.