భోపాల్: గ్రామం నుంచి పారిపోయిన ఒక ప్రేమికుల జంటతోపాటు సహకరించిన బాలిక మెడలో టైర్లు వేసి బలవంతంగా డ్యాన్స్ చేయించి శిక్షించారు. మధ్యప్రదేశ్ ధార్ జిల్లాలో ఈ దారుణం జరిగింది. కుండి గ్రామానికి చెందిన ఒక యువతి, ప్రేమికుడు గోవింద్ జూలై 10న ఊరి నుంచి పారిపోయి గుజరాత్ వెళ్లారు. దీంతో ఆ యువతి కుటుంబం గాంధ్వాని పోలీస్ స్టేషన్లో ఫిర్యాదు చేసింది.
కాగా, ఆ జంట ఈ నెల 12న గ్రామానికి తిరిగి వచ్చింది. ఆగ్రహించిన యువతి కుటుంబ సభ్యులు, గ్రామస్తులు ఆ జంటతోపాటు వారికి సహకరించిన ఒక బాలికను కొట్టారు. అనంతరం వారి మెడలో టైర్లు వేయించి బలవంతంగా డ్యాన్స్ చేయించారు. ఈ వీడియో సోషల్ మీడియాలో వైరల్ అయ్యింది.
ఈ ఘటనపై స్పందించిన పోలీసులు కేసు నమోదు చేసి ఐదుగురిని అరెస్ట్ చేశారు. మరో ఇద్దరి కోసం గాలిస్తున్నారు. అయితే యువతి కుటుంబం ఫిర్యాదుతో ప్రేమికుడు గోవింద్ను కూడా పోలీసులు అరెస్ట్ చేశారు.
https://www.facebook.com/watch/?v=1231834867244455