ఇక నాన్‌స్టాప్‌ నవ్వులే..

తనదైన బ్రాండ్‌ కామెడీతో గుర్తింపు పొందారు దర్శకుడు కేవీ అనుదీప్‌. విభిన్న కథా చిత్రాలతో యూత్‌లో క్రేజ్‌ తెచ్చుకున్నారు విశ్వక్‌సేన్‌. వీరిద్దరి కలయికతో రాబోతున్న తాజా చిత్రం ‘ఫంకీ’.

తనదైన బ్రాండ్‌ కామెడీతో గుర్తింపు పొందారు దర్శకుడు కేవీ అనుదీప్‌. విభిన్న కథా చిత్రాలతో యూత్‌లో క్రేజ్‌ తెచ్చుకున్నారు విశ్వక్‌సేన్‌. వీరిద్దరి కలయికతో రాబోతున్న తాజా చిత్రం ‘ఫంకీ’. కయాదు లోహర్‌ కథానాయిక. సూర్యదేవర నాగవంశీ, సాయిసౌజన్య నిర్మాతలు. శుక్రవారం ఈ సినిమా టీజర్‌ విడుదలైంది. ఇందులో విశ్వక్‌సేన్‌ సినీ దర్శకుడి పాత్రలో కనిపించారు. సినిమా కథ నేపథ్యంలో టీజర్‌ ఆద్యంతం వినోదాత్మకంగా సాగింది.

పంచ్‌ డైలాగ్‌లు నవ్వుల్ని పంచాయి. దర్శకుడు అనుదీప్‌ తనశైలి వినోదంతో సినిమాను తీర్చిదిద్దాడని టీజర్‌ను చూస్తే అర్థమవుతున్నది. విశ్వక్‌సేన్‌, కయాదు లోహర్‌ జోడీ బాగా కుదిరింది. రెండున్నర గంటలు ప్రేక్షకుల్ని నవ్వుల్లో ముంచెత్తే సంపూర్ణ వినోదభరిత చిత్రమిదని మేకర్స్‌ తెలిపారు. ఈ చిత్రానికి సంగీతం: భీమ్స్‌ సిసిరోలియో, నిర్మాణ సంస్థలు: సితార ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్‌, రచన-దర్శకత్వం: అనుదీప్‌ కేవీ.