30న వస్తున్న ‘ఆదర్శ కుటుంబం’

అగ్ర హీరో వెంకటేష్‌ అంటేనే కుటుంబ కథా చిత్రాలకు పెట్టింది పేరు. ఇక మాటల మాంత్రికుడు త్రివిక్రమ్‌ కలం గురించి ప్రత్యేకంగా చెప్పాల్సిన పనిలేదు. దాదాపు ఇరవైఏండ్ల తర్వాత వీరిద్దరి కాంబినేషన్‌లో రూపొందిన చిత్రం ‘ఆదర్శ కుటుంబం-హౌస్‌ నంబర్‌ 47 (ఏకే 47)’. కుటుంబ అనుబంధాలు, భావోద్వేగాలు, హాస్యం, యాక్షన్‌ కలబోతగా ఈ సినిమాను తెరకెక్కించారు.

అగ్ర హీరో వెంకటేష్‌ అంటేనే కుటుంబ కథా చిత్రాలకు పెట్టింది పేరు. ఇక మాటల మాంత్రికుడు త్రివిక్రమ్‌ కలం గురించి ప్రత్యేకంగా చెప్పాల్సిన పనిలేదు. దాదాపు ఇరవైఏండ్ల తర్వాత వీరిద్దరి కాంబినేషన్‌లో రూపొందిన చిత్రం ‘ఆదర్శ కుటుంబం-హౌస్‌ నంబర్‌ 47 (ఏకే 47)’. కుటుంబ అనుబంధాలు, భావోద్వేగాలు, హాస్యం, యాక్షన్‌ కలబోతగా ఈ సినిమాను తెరకెక్కించారు.

ఇప్పటికే రెండుసార్లు వాయిదా పడిన ఈ సినిమా విడుదల తేదీని చిత్రబృందం బుధవారం ప్రకటించింది. ఈ నెల 30న ప్రపంచవ్యాప్తంగా ఈ చిత్రాన్ని విడుదల చేస్తున్నట్లు వెల్లడించింది. ఇప్పటికే విడుదలైన ప్రచార చిత్రాలకు అద్భుతమైన స్పందన లభిస్తున్నదని, కుటుంబ ప్రేక్షకులు మెచ్చే సంపూర్ణ వినోదాత్మక చిత్రమిదని మేకర్స్‌ తెలిపారు. శ్రీనిధిశెట్టి, నారా రోహిత్‌, నివేదా పేతురాజ్‌ తదితరులు నటించిన ఈ చిత్రానికి నిర్మాత: ఎస్‌.రాధాకృష్ణ (చినబాబు), సంగీతం: తమన్‌, రచన-దర్శకత్వం: త్రివిక్రమ్‌ శ్రీనివాస్‌.