జయలలిత పాత్రలో త్రిష?

తమిళ సినీ, రాజకీయరంగాల్లో చెరగని ముద్ర వేసిన ఎంజీఆర్‌ జీవితం ఆధారంగా ‘పురట్చి తలైవర్‌' పేరుతో ఓ సినిమా తెరకెక్కనుంది.

తమిళ సినీ, రాజకీయరంగాల్లో చెరగని ముద్ర వేసిన ఎంజీఆర్‌ జీవితం ఆధారంగా ‘పురట్చి తలైవర్‌’ పేరుతో ఓ సినిమా తెరకెక్కనుంది. నటుడు జె.ఎం.బషీర్‌ ఇందులో ఎంజీఆర్‌ పాత్రను పోషించనున్నారు. ఈ బయోపిక్‌లో జయలలిత పాత్ర కోసం త్రిషను సంప్రదిస్తున్నట్లు వార్తలొస్తున్నాయి. ఈ ప్రాజెక్ట్‌ గురించి
ఇటీవలే మీడియాతో మాట్లాడిన జె.ఎం.బషీర్‌ ఆసక్తికరమైన విషయాలను వెల్లడించారు.

త్రిష తన కుమార్తె స్నేహితురాలని, జయలలిత పాత్ర కోసం ఆమెతో సంప్రదింపులు జరుగుతున్నాయని చెప్పారు. అయితే ఈ సినిమాలో నటించేందుకు త్రిష అంగీకరించిందా? లేదా? అనే విషయంలో స్పష్టత రాలేదు. ప్రస్తుతం ఈ సినిమాకు సంబంధించిన కీలక నటుల ఎంపిక జరుగతున్నదని మేకర్స్‌ తెలిపారు. జయలలిత పాత్రలో నటించేందుకు త్రిష అంగీకరిస్తుందా అన్నది ఆసక్తికరంగా మారింది.