తెలంగాణ మట్టి వాసన గుబాళించే కథతో..

అగ్ర నిర్మాత దిల్‌ రాజు.. తన తమ్ముడు శిరీష్‌ కుమారుడైన ఆశిష్‌ హీరోగా ఓ భారీ చిత్రాన్ని నిర్మించనున్నారు. ఓ కొత్త కుర్రాడు దర్శకత్వంలో ఈ సినిమా ఉండబోతున్నదని తెలుస్తున్నది.

అగ్ర నిర్మాత దిల్‌ రాజు.. తన తమ్ముడు శిరీష్‌ కుమారుడైన ఆశిష్‌ హీరోగా ఓ భారీ చిత్రాన్ని నిర్మించనున్నారు. ఓ కొత్త కుర్రాడు దర్శకత్వంలో ఈ సినిమా ఉండబోతున్నదని తెలుస్తున్నది. ఇప్పటివరకూ ఆశిష్‌ నటించిన రౌడీ బాయ్స్‌, లవ్‌ మీ చిత్రాలకు భిన్నంగా పూర్తి తెలంగాణ రూరల్‌ బ్యాక్‌డ్రాప్‌తో ఈ సినిమా ఉంటుందని విశ్వసనీయ సమాచారం. తెలంగాణ సంస్కృతి, సంప్రదాయాల మేళవింపైన కథతో రూపొందనున్న ఈ సినిమాలో.. విలేజ్‌ ఎమోషన్స్‌, ఫ్యామిలీ డ్రామా, వైలెన్స్‌.. అన్నీ కంటెంట్‌కి తగ్గట్టుగా ఉంటాయని, ఆశిష్‌ కేరక్టర్‌ కూడా ఊరమాస్‌గా డిజైన్‌ చేయడం జరిగిందని తెలుస్తున్నది. మరో విషయం ఏంటంటే.. బతుకమ్మ పండుగ ఈ కథలో కీలకమట. మొత్తంగా తెలంగాణ మట్టివాసన గుబాళించే కథతో ఈ సినిమా రూపొందనున్నదని సమాచారం. ఈ సినిమాకు సంబంధించిన మిగతా వివరాలు తెలియాల్సివుంది.