ప్రేమ ఒక ఉత్సవంలా..

రాజ్‌తరుణ్‌, మాల్వి మల్హోత్రా జంటగా నటిస్తున్న చిత్రం ‘తిరగబడరసామీ’. ఎ.ఎస్‌.రవికుమార్‌ చౌదరి దర్శకుడు. సురక్ష్‌ ఎంటర్‌టైన్‌మెంట్‌ పతాకంపై మల్కాపురం శివకుమార్‌ నిర్మిస్తున్నారు. ఈ సినిమా చిత్రీకరణ పూర్తయింది. ఫిబ్రవరిలో 23న విడుదల చేయబోతున్నారు.

రాజ్‌తరుణ్‌, మాల్వి మల్హోత్రా జంటగా నటిస్తున్న చిత్రం ‘తిరగబడరసామీ’. ఎ.ఎస్‌.రవికుమార్‌ చౌదరి దర్శకుడు. సురక్ష్‌ ఎంటర్‌టైన్‌మెంట్‌ పతాకంపై మల్కాపురం శివకుమార్‌ నిర్మిస్తున్నారు. ఈ సినిమా చిత్రీకరణ పూర్తయింది. ఫిబ్రవరిలో 23న విడుదల చేయబోతున్నారు. తాజాగా ఈ సినిమా నుంచి సెలబ్రేషన్‌ సాంగ్‌ను విడుదల చేశారు. బేబీ స్వరపరచిన ఈ పాటను లిప్సికా భాష్యం, అదితి బావరాజు, చైతు సత్సంగి ఆలపించారు. సుద్దాల అశోక్‌తేజ ఈ గీతాన్ని రచించారు.

ప్రేమ బంధాన్ని ఓ ఉత్సవంలా అభివర్ణిస్తూ ఈ పాట సాగింది. విజువల్స్‌ కూడా ఆకట్టుకునేలా ఉన్నాయి. రొమాన్స్‌, ఫ్యామిలీ సెంటిమెంట్‌, యాక్షన్‌ అంశాలతో ఆకట్టుకునే చిత్రమిదని చిత్ర బృందం తెలిపింది. మన్నారా చోప్రా, మకరంద్‌ దేశ్‌పాండే, రఘుబాబు, జాన్‌ విజయ్‌ తదితరులు నటిస్తున్న ఈ చిత్రానికి కెమెరా: జవహర్‌ రెడ్డి, సంగీతం: జేబీ, రచన-దర్శకత్వం: ఏఎస్‌ రవికుమార్‌ చౌదరి.