కింగ్‌ సెట్‌లోకి ఎంటరైన టబు

అగ్ర కథానాయకుడు అక్కినేని నాగార్జున 100వ మైల్‌స్టోన్‌ ప్రాజెక్ట్‌ ‘కింగ్‌ 100’(వర్కింగ్‌ టైటిల్‌) షూటింగ్‌ ప్రస్తుతం శరవేగంగా జరుగుతున్నది. రా.కార్తీక్‌ దర్శకత్వంలో ప్రతిష్టాత్మక అన్నపూర్ణ స్టూడియోస్‌ నిర్మిస్తున్న ఈ చిత్రంపై అంచనాలు భారీగా ఉన్నాయి.

అగ్ర కథానాయకుడు అక్కినేని నాగార్జున 100వ మైల్‌స్టోన్‌ ప్రాజెక్ట్‌ ‘కింగ్‌ 100’(వర్కింగ్‌ టైటిల్‌) షూటింగ్‌ ప్రస్తుతం శరవేగంగా జరుగుతున్నది. రా.కార్తీక్‌ దర్శకత్వంలో ప్రతిష్టాత్మక అన్నపూర్ణ స్టూడియోస్‌ నిర్మిస్తున్న ఈ చిత్రంపై అంచనాలు భారీగా ఉన్నాయి. వాటిని మరింత పెంచుతూ నటి టబు ఈ సినిమా షూట్‌లోకి ఎంట్రీ ఇచ్చారు. ఇందులో ఆమె కీలక పాత్ర పోషిస్తున్న విషయం విదితమే.

ప్రస్తుతం ఆమెపై దర్శకుడు రా.కార్తీక్‌ సన్నివేశాలను చిత్రీకరిస్తున్నారు. నాగ్‌, టబు కాంబినేషన్‌లో వచ్చిన నిన్నే పెళ్లాడతా, ఆవిడా మా ఆవిడే సినిమాలు ఏ స్థాయి విజయాలను అందుకున్నాయో తెలిసిందే. మళ్లీ ఈ జోడీ తెరపై కనిపించనుండటంతో ఈ సినిమాపై అభిమానులకు ఆసక్తి రెట్టింపయ్యింది. ఈ సినిమాకు సంబంధించిన ఇతర నటీనటులు, సాంకేతిక బృందం వివరాలు త్వరలో వెల్లడి కానున్నాయి.