Visit:
సుధీర్‌బాబు కథానాయకుడిగా నటిస్తున్న తాజా చిత్రం ‘మా నాన్న సూపర్‌హీరో’. అభిలాష్‌ రెడ్డి దర్శకత్వం వహిస్తున్న ఈ చిత్రాన్ని సునీల్‌ బలుసు నిర్మిస్తున్నారు. దసరాకు ప్రేక్షకుల ముందుకురానుంది. ఈ నేపథ్యంలో ప్రచారాన్ని మొదలుపెట్టారు. సోమవారం ఫస్ట్‌లుక్‌ పోస్టర్‌ను విడుదల చేశారు.
దర్శకుడు చిత్ర విశేషాలు తెలియజేస్తూ ‘మధ్యతరగతి యువకుడి జీవన ప్రయాణం నేపథ్య కథాంశమిది. ప్రేమ, అనుబంధం తాలూకూ నిజమైన అర్థాన్ని తెలియజేస్తుంది. తండ్రీకొడుకుల అనుబంధానికి దర్పణంలా ఉంటుంది’ అన్నారు. సాయిచంద్‌, షాయాజిషిండే, రాజు సుందరం, ఆమని తదితరులు నటిస్తున్న ఈ చిత్రానికి సంగీతం: జై క్రిష్‌, దర్శకత్వం: అభిలాష్‌ రెడ్డి.
