Toxic | ‘టాక్సిక్’ వివాదంలో కియారా అద్వానీకి భర్త సిద్ధార్థ్ మల్హోత్రా అండ.. ట్రోలర్లకు గట్టి సమాధానం!

Toxic | సినిమాల్లో నటీనటులు పోషించే పాత్రలకు, వారి నిజ జీవిత వ్యక్తిత్వాలకు మధ్య చాలా తేడా ఉంటుంది. ఒక నటిగా కథకు అవసరమైన పాత్రలు పోషించడం వారి వృత్తిలో భాగం. అయినప్పటికీ కొందరు సోషల్ మీడియా వినియోగదారులు సినిమా సన్నివేశాలను ఆధారంగా చేసుకుని నటీమణుల వ్యక్తిగత జీవితాలపై విమర్శలు గుప్పించడం తరచూ వివాదాలకు దారితీస్తోంది.

Toxic | సినిమాల్లో నటీనటులు పోషించే పాత్రలకు, వారి నిజ జీవిత వ్యక్తిత్వాలకు మధ్య చాలా తేడా ఉంటుంది. ఒక నటిగా కథకు అవసరమైన పాత్రలు పోషించడం వారి వృత్తిలో భాగం. అయినప్పటికీ కొందరు సోషల్ మీడియా వినియోగదారులు సినిమా సన్నివేశాలను ఆధారంగా చేసుకుని నటీమణుల వ్యక్తిగత జీవితాలపై విమర్శలు గుప్పించడం తరచూ వివాదాలకు దారితీస్తోంది. తాజాగా రాకింగ్ స్టార్ యశ్ హీరోగా నటిస్తున్న భారీ పాన్ ఇండియా చిత్రం ‘టాక్సిక్’ విషయంలో బాలీవుడ్ హీరోయిన్ కియారా అద్వానీకి ఇలాంటి అనుభవమే ఎదురైనట్లు కథనాలు వచ్చాయి. సినిమాలోని బోల్డ్ సన్నివేశాలపై ఆమెను టార్గెట్ చేస్తూ కొందరు ట్రోలింగ్‌కు దిగారు. ఈ నేపథ్యంలో కియారాకు భర్త, బాలీవుడ్ నటుడు సిద్ధార్థ్ మల్హోత్రా ఇచ్చిన మద్దతు ఇప్పుడు చర్చనీయాంశంగా మారింది.

టాక్సిక్ చిత్రానికి సంబంధించిన కొన్ని బోల్డ్, ఇంటిమేట్ సన్నివేశాలపై గతంలో సోషల్ మీడియాలో పెద్ద ఎత్తున చర్చ జరిగింది. ఈ సన్నివేశాలను తొలగించాలని కియారా దర్శకురాలిని కోరినట్లు కూడా వార్తలు ప్రచారంలోకి వచ్చాయి.అయితే ఈ ప్రచారాన్ని కియారా ఖండించినట్లు కథనాలు పేర్కొన్నాయి. తాను అలాంటి అభ్యర్థన చేయలేదని, తన గురించి వస్తున్న వార్తల్లో నిజం లేదని ఆమె స్పష్టం చేసినట్లు సమాచారం. అయినప్పటికీ కొందరు నెటిజన్లు పెళ్లి తర్వాత ఇలాంటి సన్నివేశాల్లో నటించడం ఏమిటంటూ కియారాను విమర్శించారు. ఈ క్రమంలో ఆమె భర్త సిద్ధార్థ్ మల్హోత్రాను కూడా వివాదంలోకి లాగారు.

ఈ ట్రోలింగ్ కారణంగా తాను కొంత ఆందోళనకు గురైన సందర్భంలో సిద్ధార్థ్ తనకు అండగా నిలిచారని కియారా గుర్తుచేసుకుంది. విమర్శలు చేసే వ్యక్తులకు తన వ్యక్తిగత జీవితం గురించి తెలియదని, వారి వ్యాఖ్యలను పట్టించుకుని మానసిక ప్రశాంతత కోల్పోవాల్సిన అవసరం లేదని సిద్ధార్థ్ ఆమెకు ధైర్యం చెప్పారట. విమర్శలు చేసే ప్రతి ఒక్కరికీ సమాధానం చెప్పాల్సిన అవసరం లేదని, కొందరు కావాలనే అనవసరమైన వివాదాలు సృష్టిస్తుంటారని ఆయన సూచించార‌ట‌. అలాంటి వారి కోసం బాధపడుతూ ఇంట్లో కూర్చుని ఏడవడం కంటే, తన పనిపై దృష్టి పెట్టాలని కియారాకు చెప్పారట. ఈ మాటలు తనకు ఎంతో ధైర్యాన్ని ఇచ్చాయని ఆమె వెల్లడించింది. అంతేకాదు, ‘టాక్సిక్’లో కియారా నటనను సిద్ధార్థ్ ప్రశంసించారని, ఆమె కెరీర్‌లో ఈ సినిమా ప్రత్యేకంగా నిలుస్తుందనే నమ్మకాన్ని కూడా వ్యక్తం చేశారట