లిటిల్‌ హార్ట్స్‌ వినోదం..

‘90s మిడిల్‌ క్లాస్‌ బయోపిక్‌'ఫేం మౌళి తనుజ్‌, ‘అంబాజీపేట మ్యారేజి బ్యాండు’ మూవీతో గుర్తింపు తెచ్చుకున్న శివానీ నాగారం లీడ్‌రోల్స్‌ పోషిస్తున్న చిత్రం ‘లిటిల్‌ హార్ట్స్‌'.

‘90s మిడిల్‌ క్లాస్‌ బయోపిక్‌’ఫేం మౌళి తనుజ్‌, ‘అంబాజీపేట మ్యారేజి బ్యాండు’ మూవీతో గుర్తింపు తెచ్చుకున్న శివానీ నాగారం లీడ్‌రోల్స్‌ పోషిస్తున్న చిత్రం ‘లిటిల్‌ హార్ట్స్‌’. సాయి మార్తాండ్‌ దర్శకుడు. ఆదిత్య హాసన్‌ నిర్మాత. నిర్మాణం తుదిదశకు చేరుకుంది. ఈ సందర్భంగా శనివారం ఈ సినిమా రిలీజ్‌ డేట్‌ను మేకర్స్‌ ప్రకటించారు. వచ్చే నెల 12న సినిమా విడుదల కానుంది. ఈ సందర్భంగా విడుదల చేసిన ప్రోమోలో తండ్రీ కొడుకులుగా మౌళి తనుజ్‌, రాజీవ్‌ కనకాల నటించిన సరదా సన్నివేశం వినోదభరితంగా సాగింది.

వినోదంతోపాటు ఫ్యామిలీ ఎమోషన్స్‌ ఈ సినిమాకు ప్రధానబలమని మేకర్స్‌ తెలిపారు. బన్నీవాసు, వంశీ నందిపాటి థియేట్రికల్‌ రిలీజ్‌ చేస్తున్న ఈ సినిమాలో ఎస్‌.ఎస్‌.కాంచి, అనిత చౌదరి, సత్య కృష్ణన్‌ ఇతర పాత్రధారులు. ఈ చిత్రానికి కెమెరా: సూర్య బాలాజీ, సంగీతం: సింజిత్‌ యెర్రమల్లి, నిర్మాణం: ఈటీవీ విన్‌ ఒరిజినల్‌ ప్రొడక్షన్స్‌.