Shah Rukh Khan | షారుఖ్ ఖాన్‌తో సుకుమార్ సినిమా.?

Shahrukh - Sukumar | పుష్ప ది రూల్ సినిమాతో నేష‌న్ వైడ్ బ్లాక్ బ‌స్ట‌ర్ అందుకున్నాడు ద‌ర్శ‌కుడు సుకుమార్ (Sukumar).

Shah Rukh Khan to team up with Pushpa director Sukumar | పుష్ప ది రూల్ సినిమాతో నేష‌న్ వైడ్ బ్లాక్ బ‌స్ట‌ర్ అందుకున్నాడు ద‌ర్శ‌కుడు సుకుమార్ (Sukumar). అయితే ఈ ప్రాజెక్ట్ అనంత‌రం సుకుమార్ ఎవ‌రితో సినిమా చేయ‌బోతున్నాడా అని మూవీ ల‌వ‌ర్స్ ఆస‌క్తిక‌రంగా ఎదురుచూస్తున్న విష‌యం తెలిసిందే. టాలీవుడ్ సినీ వ‌ర్గాల ప్ర‌కారం సుకుమార్ త‌న నెక్స్ట్ ప్రాజెక్ట్‌ రామ్ చరణ్‌తో ‘RC 17’ చేస్తాడ‌ని అంటుండ‌గా.. మ‌రోవైపు ‘పుష్ప 3’ క‌థ రాసే ప‌నిలో ఉన్న‌డని టాక్ వినిపిస్తుంది. ఇదిలావుంటే.. ఈ రెండు కాకుండా మ‌రో క్రేజీ పాన్ ఇండియా కాంబో తెర‌మీద‌కు వ‌చ్చింది.

బాలీవుడ్ సూపర్‌స్టార్ షారుఖ్ ఖాన్, దర్శకుడు సుకుమార్ క‌లిసి ఒక ప్రాజెక్ట్ చేయ‌బోతున్నార‌ని ప్ర‌స్తుతం వార్త‌లు
వైర‌ల్ అవుతున్నాయి. వీరిద్ద‌రు క‌లిసి ఒక పాన్ ఇండియా ప్రాజెక్ట్ కోసం చేతులు క‌ల‌ప‌బోతున్న‌ట్లు సోష‌ల్ మీడియాలో టాక్ వినిపిస్తుంది. ఒక‌వేళ ఇదే నిజ‌మైతే సుకుమార్ పేరు బాలీవుడ్‌లో మారుమోగ‌డం ఖాయం. రూర‌ల్ విలేజ్ బ్యాక్‌డ్రాప్ క‌థ‌తో ఈ సినిమా రాబోతుండ‌గా.. భారీ బ‌డ్జెట్‌తో ఈ సినిమాను తెర‌కెక్కించ‌బోతున్న‌ట్లు తెలుస్తుంది. మ‌రోవైపు ఈ సినిమాలో షారుఖ్ ఖాన్‌ను విలన్ పాత్రలో చూపించే ఆలోచనలో సుకుమార్‌ ఉన్నట్లు సమాచారం. కాగా ఈ ప్రాజెక్ట్‌పై అధికారిక ప్ర‌క‌ట‌న రావాల్సి ఉంది.