Sardar 2 | ‘సర్దార్ 2’పై భారీ అంచనాలు.. పార్ట్ 1 కంటే బిగ్ హిట్ ఖాయం అంటున్న మ్యూజిక్ డైరెక్టర్!

Sardar 2 | కోలీవుడ్ టాలెంటెడ్ హీరో కార్తీ నటించిన మోస్ట్ అవైటెడ్ సీక్వెల్ ‘సర్దార్ 2’. పి.ఎస్. మిత్రన్ దర్శకత్వంలో తెరకెక్కుతున్న ఈ సినిమా కోసం తమిళ ప్రేక్షకులతో పాటు టాలీవుడ్ ఆడియెన్స్ కూడా ఎంతో ఆసక్తిగా ఎదురుచూస్తున్నారు. ఇప్పటికే ‘సర్దార్’ సినిమాతో ఆకట్టుకున్న కార్తీ.. ఇప్పుడు దానికి సీక్వెల్‌గా వస్తున్న ‘సర్దార్ 2’లో మరింత పవర్‌ఫుల్‌గా కనిపించనున్నారని తెలుస్తోంది. ఇటీవల విడుదలైన ఈ సినిమా ట్రైలర్‌కు మంచి స్పందన వచ్చింది.

Sardar 2 | కోలీవుడ్ టాలెంటెడ్ హీరో కార్తీ నటించిన మోస్ట్ అవైటెడ్ సీక్వెల్ ‘సర్దార్ 2’. పి.ఎస్. మిత్రన్ దర్శకత్వంలో తెరకెక్కుతున్న ఈ సినిమా కోసం తమిళ ప్రేక్షకులతో పాటు టాలీవుడ్ ఆడియెన్స్ కూడా ఎంతో ఆసక్తిగా ఎదురుచూస్తున్నారు. ఇప్పటికే ‘సర్దార్’ సినిమాతో ఆకట్టుకున్న కార్తీ.. ఇప్పుడు దానికి సీక్వెల్‌గా వస్తున్న ‘సర్దార్ 2’లో మరింత పవర్‌ఫుల్‌గా కనిపించనున్నారని తెలుస్తోంది. ఇటీవల విడుదలైన ఈ సినిమా ట్రైలర్‌కు మంచి స్పందన వచ్చింది. అయితే ట్రైలర్‌లో కథకు సంబంధించిన మెయిన్ పాయింట్‌ను పూర్తిగా రివీల్ చేయకుండా.. ప్రేక్షకుల్లో ఆసక్తిని పెంచేలా కట్ చేశారు. ముఖ్యంగా కార్తీ పోషిస్తున్న ‘సర్దార్’ పాత్రను హైలైట్ చేస్తూ ట్రైలర్ సాగింది. దీంతో సినిమాలో అసలు సమస్య ఏమిటి? కథ ఏ దిశగా వెళ్లబోతోంది? అనే ఆసక్తి మరింత పెరిగింది.

‘సర్దార్’ సినిమాకు కథ, యాక్షన్‌తో పాటు బలమైన సోషల్ మెసేజ్ కూడా ప్రధాన ఆకర్షణగా నిలిచింది. ముఖ్యంగా నీటి సమస్యను కథలో కీలక అంశంగా చూపిస్తూ దర్శకుడు పి.ఎస్. మిత్రన్ సినిమాను తెరకెక్కించారు. ఈ అంశం ప్రేక్షకులపై మంచి ప్రభావాన్ని చూపించింది. ఇప్పుడు ‘సర్దార్ 2’లో కూడా అంతే బలమైన సామాజిక అంశాన్ని తీసుకున్నట్లు తెలుస్తోంది. అయితే ఈసారి పార్ట్ 1లో చూపించిన సమస్యకు భిన్నంగా మరో పెద్ద సమస్యను కథలో ప్రధానంగా చూపించబోతున్నట్లు సమాచారం. తాజాగా ‘సర్దార్ 2’ సంగీత దర్శకుడు సామ్ సీఎస్ చేసిన వ్యాఖ్యలు సినిమాపై అంచనాలను మరింత పెంచుతున్నాయి. పార్ట్ 1తో పోలిస్తే పార్ట్ 2 మరింత భారీగా, మరింత ఇంపాక్ట్‌ఫుల్‌గా ఉంటుందని ఆయన ధీమా వ్యక్తం చేసినట్లు తెలుస్తోంది.

అంతేకాదు.. ‘సర్దార్’ పార్ట్ 1 కంటే ‘సర్దార్ 2’ కచ్చితంగా పెద్ద హిట్ అవుతుందని సామ్ సీఎస్ నమ్మకంగా చెప్పడం ఇప్పుడు సినీ వర్గాల్లో ఆసక్తిని పెంచుతోంది. సాధారణంగా సీక్వెల్స్ విషయంలో ప్రేక్షకుల్లో ఉండే అంచనాలను అందుకోవడం పెద్ద సవాలే. అలాంటిది పార్ట్ 1ను మించే స్థాయిలో సీక్వెల్ ఉంటుందని మ్యూజిక్ డైరెక్టర్ చెప్పడంతో సినిమాపై మరింత బజ్ క్రియేట్ అవుతోంది. పార్ట్ 1లో నీటి సమస్యను ప్రధాన అంశంగా తీసుకున్న దర్శకుడు.. ఈసారి కూడా సమాజాన్ని ప్రభావితం చేసే ఒక కీలకమైన సమస్యను కథలో భాగం చేసినట్లు తెలుస్తోంది. అయితే ఆ సమస్య ఏమిటన్నది మాత్రం ఇప్పటివరకు పూర్తిగా వెల్లడించలేదు.ట్రైలర్‌లో కూడా కథకు సంబంధించిన కీలక అంశాలను దాచిపెట్టడంతో.. సినిమా విడుదలైన తర్వాతే అసలు పాయింట్ ఏమిటనేది తెలియనుంది. ఈ అంశమే ‘సర్దార్ 2’కు ప్రధాన బలంగా మారే అవకాశం ఉందని సినీ వర్గాలు భావిస్తున్నాయి.