Rashmika Mandanna | ఇన్నాళ్లూ నన్ను హీరోలకు జోడీగా చూశారు.. ఇప్పుడు నేనే హీరో: రష్మిక

పుష్ప, యానిమల్‌ సినిమాలతో నేషనల్‌ క్రష్‌గా అవతరించింది రష్మిక మందన్నా. ఇప్పటివరకూ హీరో ఓరియెంటెడ్‌ సినిమాల్లో నటిస్తూ తన నటనతో, అందచందాలతో సినిమాలకే ప్రత్యేక ఆకర్షణగా నిలిచిన ఈ అందాలభామ.. త్వరలో లేడీ ఓరియెంటెడ్‌ సినిమాతో ప్రేక్షకుల ముందుకు రానుంది.

Rashmika Mandanna | పుష్ప, యానిమల్‌ సినిమాలతో నేషనల్‌ క్రష్‌గా అవతరించింది రష్మిక మందన్నా. ఇప్పటివరకూ హీరో ఓరియెంటెడ్‌ సినిమాల్లో నటిస్తూ తన నటనతో, అందచందాలతో సినిమాలకే ప్రత్యేక ఆకర్షణగా నిలిచిన ఈ అందాలభామ.. త్వరలో లేడీ ఓరియెంటెడ్‌ సినిమాతో ప్రేక్షకుల ముందుకు రానుంది. ఆ సినిమా పేరు ‘ది గార్ల్‌ ఫ్రెండ్‌’. ఇటీవలే షూటింగ్‌ కూడా మొదలైంది. ఈ షెడ్యూల్‌ లో పలువురు పాపులర్‌ యాక్టర్లతోపాటు రష్మిక కూడా జాయిన్‌ అయ్యింది. ఈ సినిమాకు దర్శకుడు రాహుల్‌ రవీంద్రన్‌. రీసెంట్‌గా రాహుల్‌ అభిమానులతో ఇంటరాక్ట్‌ అవుతూ ‘ది గార్ల్‌ ఫ్రెండ్‌’ సినిమా గురించి ఆసక్తికరమైన అప్‌డేట్‌ ఇచ్చారు. ‘ఈ సినిమా నా కెరీర్‌కే కాదు. రష్మిక కెరీర్‌కు కూడా ప్రత్యేకం.

టీజర్‌ని ఈ నెల 5న రష్మిక పుట్టినరోజు కానుకగా విడుదల చేయనున్నాం. అంతేకాదు, తెలుగు, తమిళ, కన్నడ, మలయాళ, హిందీ భాషల్లో పాన్‌ ఇండియా స్థాయిలో ఈ సినిమా విడుదల కానుంది. పైగా అన్ని భాషల్లో రష్మిక సొంతంగా డబ్బింగ్‌ చెబుతున్నది. ఇటీవలే మలయాళంలో టీజర్‌ కోసం డబ్బింగ్‌ చెప్పింది. తన డెడికేషన్‌కి షాక్‌ అయిపోయాను’ అంటూ చెప్పుకొచ్చారు. ఇందులో రష్మికకు జోడీగా ‘దసరా’ఫేం దీక్షిత్‌శెట్టి నటిస్తున్నారు. ఈ సినిమా గురించి రష్మిక మాట్లాడుతూ ‘ఇన్నాళ్లూ హీరోలకు జోడీగా నన్ను చూశారు. ఇప్పుడు నేనే హీరో.’ అంటూ అందంగా నవ్వేసింది నేషనల్‌ క్రష్‌.