Ram Charan-Sukumar | ‘రంగస్థలం’ కాంబో రిపీట్‌ కానుందా?

కొన్ని సినిమాలకు ఎక్స్‌పైరీ డేట్‌ అంటూ ఉండదూ. ఎన్ని సార్లు చూసినా కొత్తగా చూస్తున్నట్లే ఫీలై పోతుంటాం. అలాంటి సినిమాల్లో 'రంగస్థలం' ఒకటి. 2018లో రిలీజైన ఈ చిత్రం సంచలన విజయం సాధించింది.

Ram Charan-Sukumar Combo | కొన్ని సినిమాలకు ఎక్స్‌పైరీ డేట్‌ అంటూ ఉండదూ. ఎన్ని సార్లు చూసినా కొత్తగా చూస్తున్నట్లే ఫీలై పోతుంటాం. అలాంటి సినిమాల్లో ‘రంగస్థలం’ ఒకటి. 2018లో రిలీజైన ఈ చిత్రం సంచలన విజయం సాధించింది. ఈ చిత్రం అటు రామ్‌చరణ్‌కు, ఇటు సుకుమార్‌కు కెరీర్ బిగ్గెస్ట్‌ హిట్‌గా నిలిచింది. అంతేకాకుండా ఈ సినిమాతో రామ్‌చరణ్‌, తన నటనపై వస్తున్న విమర్శలకు బ్రేక్‌ వేశాడు. చిట్టిబాబు పాత్రలో చరణ్ నటించాడు అనడం కంటే జీవించాడు అనడం సబబు. ఇక సుకుమార్‌ టేకింగ్‌, విజన్‌ గురించి ఎంత చెప్పుకున్నా తక్కువే. మైత్రీ సంస్థ నిర్మించిన ఈ చిత్రం రూ.216 కోట్ల కలెక్షన్‌లను సాధించి బ్లాక్‌బస్టర్‌ హిట్‌గా నిలిచింది. అయితే ఈ కాంబోలో మరో సినిమా కోసం మెగా అభిమానులు ఎంతగానో ఎదురు చూస్తున్నారు. కాగా మెగా ఫ్యాన్స్‌ కోరిక నిజమయ్యేలానే ఉంది.

రామ్‌చరణ్‌- సుకుమార్‌ కాంబోలో మరో సినిమా ఉండన్నుట్లు తెలుస్తుంది. ప్రముఖ ప్రొడక్షన్‌ డిజైనర్‌, ఆర్ట్‌ డైరెక్టర్‌ సాబు సిరిల్‌ ఈ ప్రాజెక్ట్‌కు సంబంధించిన ఓ క్రేజీ న్యూస్‌ ప్రకటించాడు. ఈ ప్రాజెక్ట్‌కు సంబంధించిన ఇంట్రో సీన్‌ను సకుమార్‌ ఇప్పటికే షూట్‌ చేశాడట. ఆర్‌ఆర్‌ఆర్‌ షూటింగ్‌ స్టార్ట్‌ అవకముందే చరణ్‌తో పవర్‌ ఫుల్‌ ఇంట్రోను షూట్‌ చేశాడట. ఈ వార్తతో మెగా అభిమానులు ఫుల్‌ ఖుషీ అవుతున్నారు. ఇక ప్రస్తుతం సుకుమార్‌ బన్నీతో ‘పుష్ప’ సీక్వెల్‌ తెరకెక్కిస్తున్నాడు. ఆ తర్వాత విజయ్‌తో సినిమా చేయనున్నాడు. ఈ రెండు ప్రాజెక్ట్‌ల తర్వాతే రామ్‌చరణ్‌తో రెండో సినిమా చేయనున్నట్లు టాక్‌.

ఆర్‌ఆర్‌ఆర్‌తో జాతీయ స్థాయిలో గుర్తింపు తెచ్చుకున్న చరణ్‌ ప్రస్తుతం శంకర్ దర్శకత్వంలో ‘RC15’ చేస్తున్నాడు. దిల్‌రాజు నిర్మిస్తున్న ఈ చిత్రం ప్రస్తుతం శరవేగంగా షూటింగ్ జరుపకుంటుంది. ఈ చిత్రం సెట్స్‌పైన ఉండగానే రామ్‌చరణ్ తన 16వ సినిమాకు సంబంధించిన చర్చలు కూడా ప్రారంభించాడు. అయితే చరణ్‌.. తన 16వ సినిమాకు సుకుమార్‌ను కూడా అనుకుంటున్నట్లు టాక్. ఇందులో నిజమెంతుందో తెలియాలంటే అధికారిక ప్రకటన వచ్చే వరకు వేచి చూడాల్సిందే.