Ramabanam Movie | అప్పుడే ఓటీటీలోకి రామబాణం మూవీ.. స్ట్రీమింగ్‌ ఎప్పుడంటే?

Ramabanam Movie On OTT | గోపిచంద్‌ హిట్టు చూసి తొమ్మిదేళ్లయింది. 'లౌక్యం' తర్వాత ఇప్పటివరకు గోపిచంద్‌కు సరైన హిట్టే లేదు. మధ్యలో 'గౌతమ్‌ నందా', 'సీటీమార్‌' సినిమాలు మంచి టాకే తెచ్చుకున్నా.. కమర్షియల్‌గా సేఫ్‌ కాలేకపోయాయి.

Ramabanam Movie On OTT | గోపిచంద్‌ హిట్టు చూసి తొమ్మిదేళ్లయింది. ‘లౌక్యం’ తర్వాత ఇప్పటివరకు గోపిచంద్‌కు సరైన హిట్టే లేదు. మధ్యలో ‘గౌతమ్‌ నందా’, ‘సీటీమార్‌’ సినిమాలు మంచి టాకే తెచ్చుకున్నా.. కమర్షియల్‌గా సేఫ్‌ కాలేకపోయాయి. భారీ అంచనాలతో ఇటీవలే విడుదలైన ‘రామబాణం’ తొలిరోజే నెగెటీవ్‌ టాక్‌ తెచ్చుకుని పబ్లిసిటీ ఖర్చులు కూడా వెనక్కి తీసుకురాలేకపోయింది. తన కెరీర్‌లో రెండు భారీ విజయాలిచ్చిన శ్రీవాస్‌ సైతం ఈ సారి గోపిను కాపాడలేకపోయాడు. ఇక ఇదిలా ఉంటే ఈ సినిమా డిజిటల్‌ స్ట్రీమింగ్‌ కోసం ఓటీటీ ప్రియులు ఎంతగానో ఎదురు చూస్తున్నారు.

కాగా తాజాగా రామబాణం ఓటీటీ రిలీజ్‌ డేట్‌కు సంబంధించిన ఓ వార్త నెట్టింట తెగ వైరల్‌ అవుతుంది. ఈ సినిమా హక్కులను ప్రముఖ ఓటీటీ సంస్థ సోని లివ్‌ దక్కించుకుంది. ఇక రిలీజ్‌కు ముందే ఈ సినిమా ఓటీటీ డీల్‌ పూర్తయింది. ఈ కాంబోపై ఉన్న క్రేజ్‌తో సోనిలివ్‌ ఏకంగా రూ.8 కోట్లకు ఈ సినిమా హక్కులను కొనుగోలు చేసిందట. కాగా ఈ సినిమాను జూన్‌ 3 నుంచి స్ట్రీమింగ్‌ చేయనున్నట్లు తెలుస్తుంది. దీనిపై త్వరలోనే అధికారిక ప్రకటన వచ్చే అవకాశం ఉంది.

పీపుల్ మీడియా బ్యానర్‌పై వివేక్‌ కూచిబొట్ల ఈ సినిమాను నిర్మించాడు. గోపిచంద్‌కు జోడీగా డింపుల్‌ హయతి నటించింది. ఇక రిలీజ్‌కు ముందు మేకర్స్‌ చేసిన హడావిడితో ఈ సినిమాపై మంచి హైపే క్రియేట్‌ అయింది. పైగా పీపుల్‌ మీడియా నుంచి వస్తున్న సినిమా కావడంతో హిట్టు బొమ్మ అని అందరు అనుకున్నారు. తీరా రిలీజయ్యాక తెలిసిన కథలనే శ్రీవాస్‌ మిక్సీలో వేసి రుబ్బాడని విమర్శలు వచ్చాయి. ఈ సినిమాకు రూ.15 కోట్ల వరకు ప్రీ రిలీజ్‌ బిజినెస్‌ జరిగింది. ఫైనల్‌ రన్‌లో ఇందులో పావు వంతు షేర్‌ను కూడా సాధించలేక డిజాస్టర్‌గా మిగిలింది.