Ram Gopal Varma | ఆయన ఒక నిజమైన ‘సృష్టికర్త’.. భారతీరాజాపై రామ్ గోపాల్ వర్మ ప్ర‌శంస‌లు

Bharathiraja | ప్రముఖ దర్శకుడు రామ్ గోపాల్ వర్మ (RGV) లెజెండరీ దర్శకుడు భారతీరాజా మృతి పట్ల స్పందిస్తూ ఎక్స్‌ వేదికగా భావోద్వేగ పోస్ట్ పెట్టాడు.

Ram Gopal Varma | ప్రముఖ దర్శకుడు రామ్ గోపాల్ వర్మ (RGV) లెజెండరీ దర్శకుడు భారతీరాజా మృతి పట్ల స్పందిస్తూ ఎక్స్‌ వేదికగా భావోద్వేగ పోస్ట్ పెట్టాడు. చిత్ర పరిశ్రమలో తనదైన ముద్ర వేసిన భారతీరాజా మరణం పట్ల తీవ్ర సంతాపాన్ని వ్యక్తం చేసిన వర్మ.. ఆయన కేవలం ఒక దర్శకుడు మాత్రమే కాదని, సినిమా రంగాన్ని కొత్త కోణంలో చూపించిన ఒక గొప్ప సృష్టికర్త (Auteur) అని వర్మ అభివర్ణించారు.

భారతీయ చలనచిత్ర రంగానికి ‘శ్రీదేవి’ లాంటి దేశంలోనే అతిపెద్ద లేడీ సూపర్ స్టార్‌ను అందించడమే కాకుండా.. సత్యజిత్ రే మార్క్ ‘యదార్థవాదాన్ని’ హృషికేష్ ముఖర్జీ తరహా ‘పాత్రలను’, బసు ఛటర్జీ శైలి ‘సిట్యుయేషనల్ కామెడీలను’ భారతీరాజా అద్భుతంగా మిక్స్ చేశారంటూ వ‌ర్మ చెప్పుకోచ్చాడు. నేల విడవని సంప్రదాయాలు, మన మూలాలకు దగ్గరగా ఉండే కథలతో అన్ని వర్గాల ప్రేక్షకులను ఆయన కనెక్ట్ చేశారు. భాషలతో సంబంధం లేకుండా అందరి హృదయాలను గెలుచుకున్న ఆయన ఒక నిజమైన సృష్టికర్త అంటూ రామ్ గోపాల్ వ‌ర్మ రాసుకోచ్చాడు.