Lal Salaam | తమిళ సూపర్ స్టార్ రజినీకాంత్ (Rajinikanth) ప్రస్తుతం వరుస సినిమాలను లైన్లో పెట్టిన విషయం తెలిసిందే. వీటిలో ఒకటి లాల్సలామ్ (Lal Salaam). రజినీ కూతురు ఐశ్వర్య ఈ సినిమాకు దర్శకత్వం వహిస్తుంది. విష్ణువిశాల్, విక్రాంత్ లీడ్ రోల్స్లో నటిస్తుండగా.. టీమిండియా మాజీ కెప్టెన్ కపిల్ దేవ్ కీలక పాత్రలో నటిస్తున్నాడు. ఇప్పటికే ఈ సినిమా నుంచి టీజర్తో పాటు ఫస్ట్ సింగిల్ విడుదల చేయగా మంచి రెస్పాన్స్ దక్కించుకుంది. ఇక ఈ సినిమా ఫిబ్రవరి 09 న ప్రేక్షకుల ముందుకు రానుంది. ఇక విడుదల తేదీ దగ్గర పడుతుండటంతో మేకర్స్ బ్యాక్ టు బ్యాక్ ప్రమోషన్లతో సినిమాపై హైప్ను అమాంతం పెంచేస్తున్నారు. అయితే అంతా ఒకే అనుకుంటున్న సమయంలో లాల్ సలామ్ సినిమాకు ఒక బిగ్ షాక్ తగిలింది.
ఈ సినిమా ఓవర్సీస్లో గ్రాండ్గా విడుదల అవుతున్న విషయం తెలిసిందే.. అయితే తాజాగా కువైట్, ఖతార్ వంటి అరబ్ దేశాల్లో ఈ సినిమా బ్యాన్ చేసినట్లు సమాచారం. మతపరమైన అంశాలు ఈ సినిమాలో ఉండడంతో మూవీని బ్యాన్ చేసినట్లు తెలుస్తుంది. అయితే ఇందులో ఎంతవరకు నిజం అన్నది క్లారిటీ లేదు. ఇక రీసెంట్గా ఫైటర్ సినిమా కూడా గల్ఫ్లో బ్యాన్ చేశారు. దాని వల్ల ఫైటర్కు కొంత మేర నష్టం అయితే వాటిల్లింది.
లైకా ప్రోడక్షన్ నిర్మిస్తున్న ఈ చిత్రంలో విష్ణు విశాల్, విక్రాంత్, సెంథిల్, జీవిత, తంబి రామయ్య, అనంతిక సనీల్కుమార్, వివేక్ ప్రసన్న, మరియు తంగదురై ముఖ్య పాత్రల్లో నటిస్తున్నారు. ఏఆర్ రెహమాన్ సంగీతం అందిస్తున్నారు.