రజనీకాంత్‌ చిత్రంలో రానా

‘జైలర్‌' చిత్రంతో అద్భుత విజయాన్ని సొంతం చేసుకున్నారు అగ్ర హీరో రజనీకాంత్‌. ఆయన తదుపరి చిత్రానికి ‘జై భీమ్‌' ఫేమ్‌ టీజే జ్ఞానవేల్‌ దర్శకత్వం వహించబోతున్న విషయం తెలిసిందే.

‘జైలర్‌’ చిత్రంతో అద్భుత విజయాన్ని సొంతం చేసుకున్నారు అగ్ర హీరో రజనీకాంత్‌. ఆయన తదుపరి చిత్రానికి ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వం వహించబోతున్న విషయం తెలిసిందే. ఈ నెల 19న సెట్స్‌మీదకు వెళ్లనుంది. వాణిజ్య హంగులు కలబోసిన సామాజిక కథాంశంతో తెరకెక్కించబోతున్నారని సమాచారం. ఇందులో రజనీకాంత్‌ పోలీస్‌ అధికారి పాత్రలో కనిపిస్తారని ప్రచారం జరుగుతున్నది. ఇదిలావుండగా ఈ సినిమాలో తెలుగు యువ హీరోలు నాని లేదా శర్వానంద్‌ కీలక పాత్రలో నటించనున్నారని వార్తలొచ్చాయి. తాజా సమాచారం ప్రకారం వారిద్దరి స్థానంలో ఈ అవకాశాన్ని రానా దక్కించుకున్నట్లు తెలిసింది. వచ్చే నెలలో ఈ సినిమా షూటింగ్‌లో రానా జాయిన్‌ కాబోతున్నాడని సమాచారం. అయితే ఆయన పాత్ర ఏమిటన్నది ఆసక్తికరంగా మారింది. రజనీకాంత్‌ 170 వర్కింగ్‌ టైటిల్‌తో తెరకెక్కబోతున్న ఈ చిత్రాన్ని లైకా ప్రొడక్షన్స్‌ నిర్మిస్తున్నది.