Prabhas | స్వల్పంగా గాయపడ్డ ప్రభాస్‌

Prabhas | అగ్రకథానాయకుడు ప్రభాస్‌ స్వల్పంగా గాయపడ్డారు. సినిమా షూటింగ్‌లో భాగంగా ఆయన కాలికి గాయమైనట్టు తెలుస్తున్నది. ప్రస్తుతం ఆయన డాక్టర్ల సలహా మేరకు విశ్రాంతి తీసుకుంటున్నారు.

Prabhas | అగ్రకథానాయకుడు ప్రభాస్‌ స్వల్పంగా గాయపడ్డారు. సినిమా షూటింగ్‌లో భాగంగా ఆయన కాలికి గాయమైనట్టు తెలుస్తున్నది. ప్రస్తుతం ఆయన డాక్టర్ల సలహా మేరకు విశ్రాంతి తీసుకుంటున్నారు. ప్రభాస్‌ కథానాయకుడిగా ఈ ఏడాది విడుదలైన బ్లాక్‌బస్టర్‌ ‘కల్కి 2898ఏడీ’ సినిమా.. వచ్చే ఏడాది జనవరి 3న జపాన్‌లో విడుదల కానుంది.

ఈ సినిమా ప్రమోషన్స్‌లో ఆయన పాల్గొనాల్సివుంది. కానీ అనుకోకుండా ఆయన గాయపడటంతో జపాన్‌లో జరిగే కార్యక్రమానికి హాజరు కాలేకపోతున్నారు. ఈ విషయాన్ని తన సోషల్‌మీడియా ద్వారా అభిమానులకు తెలియజేస్తూ ఓ పోస్ట్‌ పెట్టారు. ‘నాపై మీరు చూపిస్తున్న ప్రేమాభిమానానికి ధన్యవాదాలు.

మూవీ షూటింగ్‌లో కాలికి గాయం అయ్యింది. అందుకే జపాన్లో జరిగే కార్యక్రమానికి రాలేకపోతున్నాను. జపాన్‌లోని అభిమానులను ఎప్పట్నుంచో కలవాలనుకుంటున్నా. కానీ కుదర్లేదు.. క్షమించండి..’ అంటూ పోస్ట్‌ ద్వారా స్పందించారు ప్రభాస్‌.