పవన్ కల్యాణ్ (Pawan Kalyan) లీడ్ రోల్లో నటించిన చిత్రం భీమ్లానాయక్ (Bheemla Nayak). సాగర్ కే చంద్ర (sagar k chandra) డైరెక్ట్ చేసిన ఈ చిత్రం విడుదలైన అన్ని సెంటర్లలో తన హవా కొనసాగిస్తోంది. ఫిబ్రవరి 25న రిలీజైన ఈ చిత్రం మంచి టాక్తో ప్రదర్శించబడుతోంది. ఇప్పటికే తొలి రోజు నిర్మాత నాగవంశి, త్రివిక్రమ్ అండ్ సాగర్ టీం కేక్ కట్ చేసి, టపాకాయలు పేల్చి సక్సెస్ను సెలబ్రేట్ చేసుకున్నారు. సాధారణంగా పవన్ కల్యాణ్ పార్టీలు చేసుకోవడానికి దూరంగా ఉంటాడని తెలిసిందే.
తాజాగా పవన్ కల్యాణ్ భీమ్లా నాయక్ టీంకు పెద్ద పార్టీ ఇచ్చాడన్న వార్త హాట్ టాపిక్గా మారింది. సినిమా మంచి సక్సెస్ అందుకున్న సందర్భంగా హైదరాబాద్లోని ఫిలింనగర్లో పవన్ కల్యాణ్ భీమ్లా నాయక్ టీంతోపాటు సన్నిహితులకు పార్టీ ఇచ్చాడట. తాజాగా నెట్టింట్లో చక్కర్లు కొడుతున్న ఫొటోలే దీనికి నిదర్శనం. బ్లాక్ అండ్ వైట్ డ్రెస్లో ఇన్షర్ట్ వేసుకుని పవన్ కల్యాణ్, ఫుల్ టీషర్ట్లో త్రివిక్రమ్ అండ్ థమన్ టీం చిచ్చు బుడ్లు కాలుస్తూ సెలబ్రేషన్స్ మూడ్లో ఉన్న ఫొటోలు కొన్ని సోషల్మీడియాను షేక్ చేస్తున్నాయి.
Usthaad @PawanKalyan At #BheemLaNayak Success Party ❤️📸#BheemlaNayakMASSJathara pic.twitter.com/QHpU7aLdfm
— PawanKalyan Universe™ (@PawanUniverse) February 27, 2022
మలయాళ సూపర్ హిట్ ప్రాజెక్టు అయ్యప్పనుమ్ కొషియుమ్ రీమేక్గా వచ్చిన భీమ్లా నాయక్ కు త్రివిక్రమ్ శ్రీనివాస్ (Trivikram) స్క్రీన్ ప్లే, డైలాగ్స్ అందించాడు. కోలీవుడ్ భామ నిత్యమీనన్, మాలీవుడ్ భామ సంయుక్తా మీనన్ కీలక పాత్రల్లో కనిపించారు. డానియల్ శేఖర్ పాత్రలో రానా నటించాడు.