ఆరా ఆఫ్‌ ఉస్తాద్‌

రానున్న మార్చి నెల పవన్‌కల్యాణ్‌ అభిమానులకు ప్రత్యేకం. కారణం మార్చి 26నే ఆయన నటించిన ‘ఉస్తాద్‌ భగత్‌సింగ్‌' విడుదల కానుంది. బ్లాక్‌బస్టర్‌ ‘గబ్బర్‌సింగ్‌' తర్వాత హరీశ్‌శంకర్‌, పవన్‌కల్యాణ్‌ కాంబినేషన్‌లో వస్తున్న సినిమా కావడంతో అంచనాలు అంబరాన్ని తాకాయి.

రానున్న మార్చి నెల పవన్‌కల్యాణ్‌ అభిమానులకు ప్రత్యేకం. కారణం మార్చి 26నే ఆయన నటించిన ‘ఉస్తాద్‌ భగత్‌సింగ్‌’ విడుదల కానుంది. బ్లాక్‌బస్టర్‌ ‘గబ్బర్‌సింగ్‌’ తర్వాత హరీశ్‌శంకర్‌, పవన్‌కల్యాణ్‌ కాంబినేషన్‌లో వస్తున్న సినిమా కావడంతో అంచనాలు అంబరాన్ని తాకాయి. ఇప్పటికే విడుదల చేసిన ప్రచార చిత్రాలు, తొలిపాట ప్రేక్షకుల్ని బాగా ఆకట్టుకున్నాయి. విడుదల తేదీ దగ్గర పడుతుండటంతో చిత్రబృందం ప్రమోషన్స్‌లో వేగం పెంచారు. ఇందులో భాగంగా ఈ సినిమాలోని రెండో పాటను విడుదల చేసేందుకు సన్నాహాలు చేస్తున్నారు. ‘ఆరా ఆఫ్‌ ఉస్తాద్‌’ అంటూ సాగే ఈ హై ఎనర్జిటిక్‌ సాంగ్‌ను చంద్రబోస్‌ రాయగా, దేవిశ్రీప్రసాద్‌ స్వరపరిచారు. ఈ నేపథ్యంలో.. హరీశ్‌శంకర్‌, చంద్రబోస్‌, దేవిశ్రీప్రసాద్‌ల ఫొటోలు, ఈ ముగ్గురూ పాటలు పాడుకుంటూ ఉన్న వీడియోలు ప్రస్తుతం సోషల్‌ మీడియాలో వైరల్‌గా మారాయి. వీటిని చూసినవారంతా ‘ఉస్తాద్‌ భగత్‌సింగ్‌’లోని రెండో పాట విడుదలకు చెందిన ముందస్తు సంబరమే ఇదంతా అంటూ అభిప్రాయాలను వ్యక్తం చేస్తున్నారు. శ్రీలీల, రాశీఖన్నా కథానాయికలుగా నటిస్తున్న ఈ చిత్రాన్ని మైత్రీమూవీమేకర్స్‌ నిర్మిస్తున్నది.