Jr NTR | కీలక ఘట్టానికి ‘దేవర’

షూటింగ్‌ నుంచి చిన్న విరామం దొరకగానే కుటుంబంతో వెకేషన్‌కు వెళ్లారు స్టార్‌ హీరో ఎన్టీఆర్‌. తాజాగా ఆ పర్యటన ముగించుకుని తిరిగివచ్చారు. తన కొత్త సినిమా ‘దేవర’ షెడ్యూల్‌ కోసం ఆయన సిద్ధమవుతున్నట్లు తెలుస్తున్నది.

షూటింగ్‌ నుంచి చిన్న విరామం దొరకగానే కుటుంబంతో వెకేషన్‌కు వెళ్లారు స్టార్‌ హీరో ఎన్టీఆర్‌. తాజాగా ఆ పర్యటన ముగించుకుని తిరిగివచ్చారు. తన కొత్త సినిమా ‘దేవర’ షెడ్యూల్‌ కోసం ఆయన సిద్ధమవుతున్నట్లు తెలుస్తున్నది. ఇప్పటికే ఈ సినిమా పలు దఫాలుగా షూటింగ్స్‌ జరుపుకుంది. వీటిలో ముఖ్యంగా యాక్షన్‌ సీక్వెన్స్‌లను తెరకెక్కించారు.

ఇక తాజా అప్‌డేట్‌ ప్రకారం ఈ వారంలోనే ‘దేవర’ కొత్త షెడ్యూల్‌ ప్రారంభించుకోనున్నారు. ఈ షెడ్యూల్‌లో విలన్‌ సైఫ్‌ అలీఖాన్‌, ఎన్టీఆర్‌, నాయిక జాన్వీ కపూర్‌ మధ్య కీలక సన్నివేశాలను చిత్రీకరిస్తారని తెలుస్తున్నది. సినిమాలో ఈ పార్ట్‌కు చాలా ప్రాధాన్యత ఉంటుందని, అందుకే దర్శకుడు కొరటాల శివ పక్కాగా షూటింగ్‌ ప్లాన్‌ చేస్తున్నారట. ఎలాగైనా ఈ ఏడాది చివరి నాటికి షూటింగ్‌ మొత్తం పూర్తి చేయాలని టీమ్‌ భావిస్తున్నది. చిత్రీకరణతో పాటే నిర్మాణానంతర కార్యక్రమాలూ జరుపుతున్నారని సమాచారం.