తనే నా ఫస్ట్‌ క్రష్‌

హీరో నానికి లేడీ ఫాలోయింగ్‌ ఎక్కువ. చాలామంది అమ్మాయిలకు ఆయన క్రష్‌. కానీ తన ఫస్ట్‌ క్రష్‌ ఎవరు? అనే విషయం మాత్రం ఇంతవరకూ ఎప్పుడూ ఎక్కడా చెప్పలేదు నాని.

హీరో నానికి లేడీ ఫాలోయింగ్‌ ఎక్కువ. చాలామంది అమ్మాయిలకు ఆయన క్రష్‌. కానీ తన ఫస్ట్‌ క్రష్‌ ఎవరు? అనే విషయం మాత్రం ఇంతవరకూ ఎప్పుడూ ఎక్కడా చెప్పలేదు నాని. రీసెంట్‌గా తన ‘హాయ్‌ నాన్న’ సినిమా ప్రమోషన్లో భాగంగా ఏర్పాటు చేసిన ఓ కార్యక్రమంలో తన ఫస్ట్‌ క్రష్‌ గురించి మాట్లాడాడు నాని. “మెచ్యూరిటీ లెవల్స్‌ లేని రోజుల్లో అందంగా ఏ అమ్మాయి కనిపించినా తెలీని అదోరకమైన ఫీలింగ్‌. నిజానికి అది అట్రాక్షన్‌. ఆ ప్రేమ అనుకునే అట్రాక్షన్‌ని మూడో తరగతిలోనే ఫేస్‌ చేశాను.

అప్పుడు మా స్కూల్‌లో ఫ్యాన్సీ డ్రెస్‌ కాంపిటేషన్‌ పెట్టారు. మొలదాకా ఆకులు కట్టుకొని ఆ కాంపిటేషన్‌లో పాల్గొన్నాను. అప్పుడు అందమైన గౌను వేసుకొని ఓ అమ్మాయి వచ్చింది. తన పేరు సోని. తనే నా ఫస్ట్‌ క్రష్‌. అయితే సిగ్గుతో అప్పుడు మాట్లాడలేకపోయా. తనిప్పుడు కనిపిస్తే మాత్రం కచ్ఛితంగా వెళ్లి పలకరిస్తా. మంచి డ్రెస్‌లో ఉన్నా కదా” అంటూ నవ్వేశారు నాని.

ఇంకా చెబుతూ “ ప్రేమ అనే కాన్సెప్ట్‌ లోతైంది. దాని గురించి తెలుసుకోవాలంటే పరిపక్వత అవసరం. ఎదిగిన బిడ్డగా, తండ్రిగా, భర్తగా అసలు ప్రేమంటే ఏంటో ఇప్పుడు తెలుస్తున్నది. ఈ సందర్భంగా నా ప్రజెంట్‌ క్రష్‌ గురించి కూడా చెప్పాలనుంది. తనెవరో కాదు.. కియరా ఖన్నా. ‘హాయ్‌ నాన్న’లో నా కూతురు. షూటింగ్‌ టైమ్‌లో ఆ పాపను చూసినప్పుడల్లా… తను నాకూతురే అయితే ఎంత బావుండో అనిపించేది. చక్కగా రెడీ అయ్యి సెట్‌కి వచ్చేది. ఎంత ముచ్చటగా ఉండేదో” అంటూ చెప్పుకొచ్చారు నాని.