Nana Patekar | నానా పటేకర్ అంత్యక్రియలు అర్ధరాత్రి ఎందుకు నిర్వహించారంటే.. కుమారుడు వివరణ!

Nana Patekar | ప్రముఖ నటుడు నానా పటేకర్ అంత్యక్రియలు అర్ధరాత్రి నిర్వహించడంపై వచ్చిన విమర్శలకు ఆయన కుమారుడు మల్హర్ పటేకర్ స్పందించారు. అంత్యక్రియలను ఆలస్యంగా నిర్వహించడానికి గల కారణాలను వివరిస్తూ, కుటుంబం తీసుకున్న నిర్ణయం వెనుక ఉన్న పరిస్థితులను వెల్లడించారు. మరోవైపు, తన తండ్రి ఆశయాలను కొనసాగించడమే తమ ముందున్న ప్రధాన బాధ్యత అని చెబుతూ భావోద్వేగానికి గురయ్యారు. నానా పటేకర్ పార్థివ దేహానికి గురువారం రాత్రి పుణెలోని ఆయన వ్యవసాయ క్షేత్రంలో అంత్యక్రియలు నిర్వహించినట్లు వచ్చిన కథనాలు సినీ వర్గాల్లో చర్చకు దారితీశాయి.

Nana Patekar | ప్రముఖ నటుడు నానా పటేకర్ అంత్యక్రియలు అర్ధరాత్రి నిర్వహించడంపై వచ్చిన విమర్శలకు ఆయన కుమారుడు మల్హర్ పటేకర్ స్పందించారు. అంత్యక్రియలను ఆలస్యంగా నిర్వహించడానికి గల కారణాలను వివరిస్తూ, కుటుంబం తీసుకున్న నిర్ణయం వెనుక ఉన్న పరిస్థితులను వెల్లడించారు. మరోవైపు, తన తండ్రి ఆశయాలను కొనసాగించడమే తమ ముందున్న ప్రధాన బాధ్యత అని చెబుతూ భావోద్వేగానికి గురయ్యారు. నానా పటేకర్ పార్థివ దేహానికి గురువారం రాత్రి పుణెలోని ఆయన వ్యవసాయ క్షేత్రంలో అంత్యక్రియలు నిర్వహించినట్లు వచ్చిన కథనాలు సినీ వర్గాల్లో చర్చకు దారితీశాయి. రాత్రి సుమారు 11.30 గంటల సమయంలో ఆయన కుమారుడు మల్హర్ పటేకర్ అంతిమ సంస్కారాలను పూర్తి చేసినట్లు సమాచారం. అయితే అర్ధరాత్రి సమయంలో అంత్యక్రియలు నిర్వహించడంపై కొందరు ప్రశ్నలు లేవనెత్తారు. దీంతో మల్హర్ ఈ విషయంపై వివరణ ఇచ్చినట్లు కథనాలు పేర్కొన్నాయి.

గోవా నుంచి నానా పటేకర్ భౌతికకాయాన్ని పుణెలోని ఫామ్‌హౌస్‌కు తీసుకురావడానికి ప్రయాణ పరంగా ఇబ్బందులు ఎదురయ్యాయని మల్హర్ వివరించినట్లు సమాచారం. ముందుగా అనుకున్న సమయానికి చేరుకుంటామని భావించినప్పటికీ, రవాణా సహా ఇతర కారణాల వల్ల ఆలస్యమైందని తెలిపారు. దీంతో అంత్యక్రియలు నిర్వహించే సమయం కూడా మారిపోయిందని పేర్కొన్నారు. య‌తన తండ్రి మరణించిన తర్వాత అప్పటికే చాలా సమయం గడిచిపోయిందని మల్హర్ వివరించినట్లు కథనాలు వెల్లడించాయి. మరుసటి రోజు వరకు అంత్యక్రియలను వాయిదా వేయడం కంటే, అదే రోజు వీలైనంత త్వరగా అంతిమ సంస్కారాలు పూర్తి చేయాలని కుటుంబ సభ్యులు నిర్ణయించుకున్నారని తెలిపారు.

ఈ నిర్ణయం వెనుక ఎలాంటి ఇతర ఉద్దేశాలు లేవని, ప్రయాణంలో ఎదురైన ఆలస్యం కారణంగానే అంత్యక్రియలు రాత్రి వేళ నిర్వహించాల్సి వచ్చిందని ఆయన వివరణ ఇచ్చినట్లు సమాచారం. దీంతో అర్ధరాత్రి అంత్యక్రియలు నిర్వహించడంపై తలెత్తిన ప్రశ్నలకు సమాధానం ఇచ్చే ప్రయత్నం చేశారు. నానా పటేకర్ మరణంతో కుటుంబ సభ్యులు తీవ్ర విషాదంలో ఉన్నప్పటికీ, ఆయన ఆశయాలను ముందుకు తీసుకెళ్లడమే తమ బాధ్యత అని మల్హర్ పేర్కొన్నట్లు వార్తలు వెల్లడించాయి. ముఖ్యంగా రైతుల సంక్షేమం, సమాజ సేవ కోసం నానా పటేకర్ చేపట్టిన కార్యక్రమాలను కొనసాగిస్తామని స్పష్టం చేసినట్లు సమాచారం. నానా పటేకర్ స్థాపించిన ‘నామ్ ఫౌండేషన్’ ద్వారా రైతులకు సహాయం చేయడంతో పాటు పలు సామాజిక సేవా కార్యక్రమాలు చేపడుతున్నారు. ఈ సేవలను మరింత ముందుకు తీసుకెళ్లాలని కుటుంబం భావిస్తున్నట్లు మల్హర్ వివరించినట్లు కథనాలు పేర్కొన్నాయి. తన తండ్రి సమాజానికి చేసిన సేవలు ఎప్పటికీ గుర్తుండిపోతాయని ఆయన భావోద్వేగంగా చెప్పుకొచ్చారు. తన తండ్రి వంటి గొప్ప వ్యక్తులు చేసిన మంచి పనుల ద్వారా ప్రజల హృదయాల్లో ఎప్పటికీ నిలిచిపోతారని మల్హర్ వ్యాఖ్యానించినట్లు వార్తలు వెల్లడించాయి. నానా పటేకర్ తన జీవితంలో ఎన్నో బాధ్యతలను నిర్వర్తించారని, మరణానికి ముందే తమకు కొన్ని బాధ్యతలు అప్పగించి వెళ్లారని ఆయన పేర్కొన్నట్లు సమాచారం.