తల్లి మనసుకు దర్పణం

రచిత మహాలక్ష్మి, కమల్‌ కామరాజు, సాత్విక్‌, సాహిత్య ప్రధాన పాత్రల్లో నటిస్తున్న చిత్రం ‘తల్లి మనసు’. సీనియర్‌ దర్శకుడు ముత్యాల సుబ్బయ్య తనయుడు అనంతకిషోర్‌ నిర్మిస్తున్నారు.

రచిత మహాలక్ష్మి, కమల్‌ కామరాజు, సాత్విక్‌, సాహిత్య ప్రధాన పాత్రల్లో నటిస్తున్న చిత్రం ‘తల్లి మనసు’. సీనియర్‌ దర్శకుడు ముత్యాల సుబ్బయ్య తనయుడు అనంతకిషోర్‌ నిర్మిస్తున్నారు. వి.శ్రీనివాస్‌ (సిప్పీ) దర్శకుడిగా పరిచయమవుతున్నాడు. ప్రస్తుతం హైదరాబాద్‌లో చిత్రీకరణ జరుగుతున్నది.

ప్రధాన తారాగణం పాల్గొనగా కథానాయిక ఇంటికి సంబంధించిన సన్నివేశాలను తెరకెక్కిస్తున్నారు. ముప్పైశాతం చిత్రీకరణ పూర్తయిందని, కుటుంబ బంధాల గొప్పతనాన్ని ఆవిష్కరిస్తూ మధ్యతరగతి తల్లి మనసుకు అద్దం పట్టే చిత్రమిదని మేకర్స్‌ తెలిపారు. రఘుబాబు, శుభలేఖ సుధాకర్‌ తదితరులు నటిస్తున్న ఈ చిత్రానికి సంగీతం: కోటి, స్క్రీన్‌ప్లే, దర్శకత్వం: వి.శ్రీనివాస్‌ (సిప్పీ).