వినోదంతో కూడిన ఉత్కంఠ..

మలయాళంలో 200కోట్ల గ్రాస్‌ని రాబట్టి, బ్లాక్‌బాస్టర్‌గా నిలచిన చిత్రం ‘మంజుమ్మల్‌ బాయ్స్‌'. సౌబిన్‌ షాహిర్‌, గణపతి, ఖలీద్‌ రెహమాన్‌, శ్రీనాథ్‌ భాసి ప్రధానపాత్రలు పోషించిన ఈ చిత్రానికి చిదంబరం ఎస్‌.పొదువల్‌ దర్శకుడు.

మలయాళంలో 200కోట్ల గ్రాస్‌ని రాబట్టి, బ్లాక్‌బాస్టర్‌గా నిలచిన చిత్రం ‘మంజుమ్మల్‌ బాయ్స్‌’. సౌబిన్‌ షాహిర్‌, గణపతి, ఖలీద్‌ రెహమాన్‌, శ్రీనాథ్‌ భాసి ప్రధానపాత్రలు పోషించిన ఈ చిత్రానికి చిదంబరం ఎస్‌.పొదువల్‌ దర్శకుడు. పరవ ఫిలింస్‌ పతాకంపై బాబు షాహిర్‌, సౌబిన్‌ షాహిర్‌, షాన్‌ ఆంటోని ఈ చిత్రాన్ని నిర్మించారు. రీసెంట్‌గా తమిళంలో కూడా ఈ సినిమా విజయం సాధించింది. ఈ నెల 6న తెలుగు వెర్షన్‌ విడుదల కానుంది. ప్రతిష్టాత్మక మైత్రీమూవీమేకర్స్‌వారు ఈ చిత్రాన్ని తెలుగులో విడుదల చేస్తున్నారు. ఈ సందర్భంగా ఈ సినిమా ట్రైలర్‌ని ఆదివారం విడుదల చేశారు. ‘మంజుమ్మల్‌ బాయ్స్‌’ సినిమా ఎంత ఉత్కంఠకు గురిచేస్తుందో.. ఈ ట్రైలర్‌ కూడా అంత ఉత్కంఠభరితంగా ఉందని పలువురు అభిప్రాయపడుతున్నారు. ఇది నిజమైన కథ ఆధారంగా రూపొందించబడిందని, ఫస్ట్‌ హాఫ్‌ మొత్తం వినోదంగా సాగితే, సెకండ్‌ హాఫ్‌ మొత్తం భావోద్వేగపూరితంగా, థ్రిల్స్‌తో నిండి ఉంటుందని, దర్శకుడు చిదంబరం అద్భుతమైన సర్వైవల్‌ థ్రిల్లర్‌గా ఈ సినిమాను మలిచారని నిర్మాతలు చెప్పారు. ఈ చిత్రానికి కెమెరా: షైజు ఖలీద్‌, సంగీతం: సుశీన్‌ శ్యామ్‌, తెలుగు వెర్షన్‌ నిర్మాతలు: నవీన్‌ యర్నేని, రవిశంకర్‌ యలమంచిలి.