మనోజ్‌ అడ్వెంచర్‌

మంచు మనోజ్‌ నటిస్తున్న తాజా చిత్రం ‘వాట్‌ ది ఫిష్‌'. ‘మనం మనం బరంపురం’ ఉపశీర్షిక. ఈ చిత్రం ద్వారా వరుణ్‌ కోరుకొండ దర్శకుడిగా పరిచయమవుతున్నాడు.

మంచు మనోజ్‌ నటిస్తున్న తాజా చిత్రం ‘వాట్‌ ది ఫిష్‌’. ‘మనం మనం బరంపురం’ ఉపశీర్షిక. ఈ చిత్రం ద్వారా వరుణ్‌ కోరుకొండ దర్శకుడిగా పరిచయమవుతున్నాడు. సిక్స్‌ఐ ఎక్స్‌ పతాకంపై విశాల్‌ బెజవాడ, సూర్య బెజవాడ నిర్మిస్తున్నారు. శనివారం మంచు మనోజ్‌ జన్మదినోత్సవం సందర్భంగా ఫస్ట్‌లుక్‌ను విడుదల చేశారు. ఇందులో ఆయన విభిన్న గెటప్‌లలో కనిపిస్తున్నారు. దర్శకుడు మాట్లాడుతూ ‘అడ్వెంచర్‌ నేపథ్యంలో నడిచే కథాంశమిది. టొరంటో, కెనడా దేశాల్లో 75 రోజుల పాటు షూటింగ్‌ జరుపుతాం. మనోజ్‌ పాత్ర కొత్త పంథాలో ఉంటుంది. పాన్‌ ఇండియా స్థాయిలో విడుదల చేస్తాం’ అని చెప్పారు. ఈ చిత్రానికి సంగీతం: శక్తికాంత్‌ కార్తీక్‌, రచన, దర్శకత్వం: వరుణ్‌ కోరుకొండ.