Visit:
‘నేను స్టార్స్తో సినిమాలు నిర్మించాను. కానీ పిల్లలతో ఈ సినిమా చేస్తున్నప్పుడు ఎక్కువ సంతోషంగా సంతృప్తిగా అనిపించింది. ఇందులో పాటలు చాలా బాగుంటాయి. సంగీత దర్శకుడు సింజిత్ యెర్రమల్లి చక్కటి పాటలిచ్చాడు. దర్శకుడు శ్రీకర్ అద్భుతంగా ఆ పాటలను తెరకెక్కించాడు. ప్రస్తుతం సినిమాలు బాగా ఆడుతున్నాయి. ఈ పోటీలో రిలీజ్ చేయాల్సిన జానర్ కాదిది. అందుకే ఇంటిల్లిపాదీ థియేటర్స్కి వచ్చి సినిమా చూడగలిగే డేట్ చూసి రిలీజ్ చేస్తాం’ అని నిర్మాత ధీరజ్ మొగిలినేని అన్నారు.
ఆయన నిర్మించిన పిల్లల సినిమా ‘సమ్మర్ హాలీడేస్’. శ్రీకర్ దర్శకుడు. మాష్టర్ రోహన్, మాష్టర్ అరుణ్, బేబీ ఖుషి ప్రధాన పాత్రధారులు. త్వరలో సినిమా విడుదల కానున్నది. ప్రమోషన్లో భాగంగా ఈ సినిమాలోని ‘స్కూల్ సాంగ్’ని శనివారం హైదరాబాద్లో నిర్వహించిన ఈవెంట్లో మేకర్స్ విడుదల చేశారు. ఈ సందర్భంలోనే ధీరజ్ మొగిలినేని మాట్లాడారు. ఇంకా డైరెక్టర్ శ్రీకర్, సంగీత దర్శకుడు సింజిత్ యెర్రమల్లి, కొరియోగ్రాఫర్ ఆట సందీప్, గాయకుడు విశ్వదత్త, నటి వాసుకి కూడా మాట్లాడారు.
