పాటతో మహేష్‌ కొత్త ఫీట్‌

మహేష్‌ బాబు ‘సర్కారు వారి పాట’ సినిమా విడుదలకు ముందే ఆ చిత్రంలోని పాటలు రికార్డులు సృష్టిస్తున్నాయి. ఇందులోని కళావతి సాంగ్‌ తాజాగా ఓ రికార్డ్‌ క్రియేట్‌ చేసింది. అతి తకువ సమయంలో 150 మిలియన్‌ వ్యూస్‌ రాబట్టిన తొలి టాలీవుడ్‌ పాటగా మారింది. ఫిబ్రవరి 13తేదీన ఈ పాటను అప్‌ లోడ్‌ చేశారు

మహేష్‌ బాబు ‘సర్కారు వారి పాట’ సినిమా విడుదలకు ముందే ఆ చిత్రంలోని పాటలు రికార్డులు సృష్టిస్తున్నాయి. ఇందులోని కళావతి సాంగ్‌ తాజాగా ఓ రికార్డ్‌ క్రియేట్‌ చేసింది. అతి తకువ సమయంలో 150 మిలియన్‌ వ్యూస్‌ రాబట్టిన తొలి టాలీవుడ్‌ పాటగా మారింది. ఫిబ్రవరి 13తేదీన ఈ పాటను అప్‌ లోడ్‌ చేశారు. బుధవారానికి 150 మిలియన్‌ వ్యూస్‌ మార్‌ దాటేసింది. 1.9 మిలియన్స్‌కు పైగా లైక్స్‌ రావడం విశేషం. అతి తకువ సమయంలో 15 కోట్ల వ్యూస్‌ అందుకున్న పాటగా కళావతి నిలిచింది. ఈ పాటకు అనంత్‌ శ్రీరామ్‌ సాహిత్యాన్ని అందించారు.

సంగీత దర్శకుడు థమన్‌, గాయకుడు సిధ్‌ శ్రీరామ్‌ సక్సెస్‌ఫుల్‌ కాంబినేషన్‌ను ఈ పాట పునరావృతం చేసింది. కళావతిగా కీర్తి సురేష్‌ అందం, ఆమెతో మహేష్‌ చేసిన డ్యాన్స్‌ మూవ్‌మెంట్స్‌ ప్రేక్షకులు మళ్లీ మళ్లీ పాట చూసేలా చేశాయి. ఈ చిత్రాన్ని మైత్రీ మూవీ మేకర్స్‌, జీఎంబీ ఎంటర్‌టైన్‌మెంట్స్‌, 14 రీల్స్‌ ఫ్లస్‌ పతాకాలపై నవీన్‌ యేర్నేని, వై రవిశంకర్‌, రామ్‌ ఆచంట, గోపీ ఆచంట సంయుక్తంగా నిర్మిస్తున్నారు. పరశురామ్‌ పెట్ల దర్శకత్వం వహించారు. ఈ సినిమా మే 12న విడుదల కానుంది.