‘రా’ ఏజెంట్‌ పాత్రలో..?

మహేష్‌బాబు కథానాయకుడిగా త్రివిక్రమ్‌ దర్శకత్వంలో ఓ చిత్రం రూపొందబోతున్న విషయం తెలిసిందే. ‘అతడు’ ‘ఖలేజా’ వంటి విజయవంతమైన సినిమాల తర్వాత వీరిద్దరి కలయికలో తెరకెక్కనున్న ఈ ప్రాజెక్ట్‌ అభిమానులతో పాటు పరిశ్రమ వర్గాల్లో ఆసక్తిని రేకెత్తిస్తోంది. సూర్యదేవర రాధాకృష్ణ (చినబాబు) నిర్మించనున్న ఈ చిత్రం ఈ నెల 31న పూజా కార్యక్రమాలతో లాంఛనంగా ప్రారంభంకానుంది. ఈ సినిమాలో మహేష్‌బాబు పాత్ర ఎలా ఉండబోతుందనేది అందరిలో ఉత్సుకతను పెంచుతోంది. విశ్వసనీయ సమాచారం ప్రకారం ఇందులో మహేష్‌బాబు ‘రా’ ఏజెంట్‌గా కనిపించనున్నట్లు తెలిసింది. దేశరక్షణ కోసం గూఢచర్యం నెరిపే ఏజెంట్‌గా ఆయన పాత్ర విలక్షణంగా సాగుతుందని చెబుతున్నారు. మునుపెన్నడూ చూడని విధంగా మహేష్‌బాబు పాత్ర ైస్టెలిష్‌గా ఉంటుందని సమాచారం. కెరీర్‌లో తొలిసారి ‘రా’ గూఢచారి పాత్రను పోషిస్తుండటంతో..మహేష్‌బాబు ఈ సినిమా విషయంలో ఎంతో ఉత్సాహంగా ఉన్నారని చెబుతున్నారు. వచ్చే ఏడాది వేసవిలో ఈ సినిమాను విడుదల చేసేందుకు సన్నాహాలు చేస్తున్నారు.