Visit:
‘అంబాజీపేట మ్యారేజ్‌ బ్యాండు’ తర్వాత కొన్ని ఆఫర్లు వచ్చాయి. కానీ సెలక్టివ్‌గా వెళ్లాలని వెయిట్‌ చేశా. మంచి కంటెంట్‌ ఉన్న కథ కోసం ఎదురు చూస్తున్నప్పుడు ‘లిటిల్‌ హార్ట్స్‌’ ప్రాజెక్ట్‌ నా దగ్గరకొచ్చింది. డైరెక్టర్‌ సాయిమార్తాండ్‌ ఈ కథ చెప్పినప్పుడు ఎైగ్జెటింగ్‌గా అనిపించింది. ప్రతి పాత్రనూ డిజైన్‌ చేసిన తీరు సూపర్‌. నా ‘అంబాజీపేట మ్యారేజ్‌ బ్యాండు’లో లవ్‌స్టోరీతోపాటు ఎమోషనల్‌ కంటెంట్‌ ఉంటుంది. ఈ సినిమా అలా కాదు. ఇది కంప్లీట్‌ లైట్‌ హార్టెడ్‌ మూవీ. కాలేజీ రోజుల్లో ఉండే ఫన్‌తో ఈ సినిమా సాగుతుంది. యూత్‌కి విపరీతంగా నచ్చే సినిమా ఇది.’ అని శివాని నాగరం అన్నారు. మౌళి తనుజ్‌, శివాని నాగరం జంటగా నటించిన యూత్‌ఫుల్‌ లవ్‌స్టోరీ ‘లిటిల్‌ హార్ట్స్‌’.
సాయిమార్తాండ్‌ దర్శకుడు. ఆదిత్య హాసన్‌ నిర్మాత. బన్నీవాస్‌, వంశీ నందిపాటి ద్వారా ఈ చిత్రం ఈ నెల 5న విడుదల కానుంది. ఈ సందర్భంగా కథానాయిక శివాని నాగరం మంగళవారం విలేకరులతో ముచ్చటించారు. ‘ఇందులో నా పేరు ‘కాత్యాయని’. ప్రతి అమ్మాయి తమతో తాము పోల్చుకునేలా నా పాత్ర ఉంటుంది. అఖిల్‌, కాత్యాయని స్నేహం, ప్రేమ.. ప్రతి ఒక్కరి కాలేజ్‌ రోజుల్ని గుర్తు చేస్తుంది. ఈ సినిమా థియేటర్‌కోసం చేసిందే అయినా.. బన్నీ వాస్‌, వంశీ నందిపాటి ఎంటర్‌ అయ్యాక, సినిమా రేంజ్‌ మారింది. ఈటీవీ విన్‌ రిలీజ్‌ చేస్తున్న తొలి థియేట్రికల్‌ ఫిల్మ్‌ ఇదే కావడం విశేషం’ అని తెలిపారు శివాని నాగరం.
