పోటీ ప్రపంచంలో దూసుకుపోవాలంటే కష్టమైనా.. ఇష్టం లేకపోయినా కొన్ని చేయాల్సిందే. సినిమా రంగంలో మరీనూ. కొందరు హీరోయిన్ల విషయంలో ప్రేక్షకుల దృక్కోణం ఒకలా ఉంటుంది. కానీ ఆ హీరోయిన్లే ఒక్కోసారి ఊహించని ట్విస్టులిచ్చి.. మింగుడుపడని షాకులిస్తున్నారు. కూటికోసం కోటి విద్యలు అన్నట్టు. కెరీర్ ప్రారంభం నుంచి డీసెంట్గా కనిపించింది కీర్తీసురేశ్. ఇక ‘మహానటి’ చేసిన తర్వాత ఆమె ఇమేజే మారిపోయింది. దానికితోడు జాతీయ ఉత్తమనటి అనే ట్యాగు.
ఈ బరువును పరువుగా మోయడం అంటే కష్టమే. కెరీర్ పల్టీ కొట్టే ప్రమాదం లేకపోలేదు. అందుకు తగ్గట్టే చేసిన లేడీ ఓరియెంటెడ్ సినిమాలన్నీ చేదు అనుభవాలే మిగిల్చాయి. ఇక తప్పేది లేక మహేశ్ ‘సర్కారువారిపాట’తో పరిధుల్ని పక్కన పెట్టేసింది. కాస్త గ్లామర్ డోస్ పెంచి యువతరానికి అందాల ట్రీట్ ఇచ్చేసింది. మహానటి ఈ కొత్త అవతారం చూసి షాక్కి గురైన ప్రేక్షకులు కూడా లేకపోలేదు.
లేటెస్ట్ న్యూస్ ఏంటంటే.. అధర చుంబనానికి కూడా సై అనేసింట ఈ అందాల భామ. కాకపోతే ఆ అదృష్టాన్ని మాత్రం ఉత్తరాది హీరోకి ఇచ్చేసిందట. ఎవరా హీరో అనుకుంటున్నారా? ప్రస్తుతం బాలీవుడ్లో ‘బేజీ జాన్’ అనే సినిమా చేస్తున్నది కీర్తిసురేశ్. ఆ సినిమాలో వరుణ్ ధావన్ హీరో. కథ, సన్నివేశం డిమాండ్ మేరకు ఆ సినిమాలో ముద్దు సన్నివేశం అనివార్యమైందట. దాంతో పాత్ర కోసం వరుణ్తో పెదవి ముద్దుకి ‘సరే’ అనేసిందట కీర్తి. ఏదేమైనా యూత్కి ఇదో కొత్త అనుభవం. రేపు ఈ సినిమా సీన్ కోసమే థియేటర్లు ఫుల్ అవుతాయనడంలో అతిశయోక్తి లేదు.