Indian 2 | ఇండియన్‌ 2 అప్‌డేట్‌.. ఇంతకీ షూటింగ్‌ ఎక్కడంటే..?

క‌మ‌ల్ హాస‌న్ (Kamal Haasan) నటిస్తోన్న మోస్ట్‌ క్రేజీయెస్ట్ ప్రాజెక్ట్ ఇండియన్‌ 2  (Indian 2). శంకర్ డైరెక్షన్‌లో తెరకెక్కుతున్న ఈ మూవీ షూటింగ్ అప్‌డేట్ తాజాగా బయటకు వచ్చింది.

Indian 2 | టాలెంటెడ్‌ యాక్టర్ క‌మ‌ల్ హాస‌న్ (Kamal Haasan) నటిస్తోన్న మోస్ట్‌ క్రేజీయెస్ట్ ప్రాజెక్ట్ ఇండియన్‌ 2  (Indian 2). కోలీవుడ్ స్టార్‌ డైరెక్టర్‌ శంక‌ర్ (Shankar) దర్శకత్వంలో భార‌తీయుడు చిత్రానికి సీక్వెల్‌గా తెరకెక్కుతుంది. తాజాగా ఈ మూవీ షూటింగ్ అప్‌డేట్ బయటకు వచ్చింది. ప్రస్తుతం తమిళనాడులోని కల్పాక్కమ్‌ డచ్‌ పోర్టులో షూటింగ్ కొనసాగుతోంది. కమల్ హాసన్‌తోపాటు ఇతర యాక్టర్లపై వచ్చే కీలక యాక్షన్‌ సన్నివేశాలను చిత్రీకరిస్తున్నారు.

ఇటీవలే యాక్షన్‌ అండ్‌ స్టంట్‌ డిజైనింగ్‌ టీంతో కమల్‌ హాసన్‌ డిస్కషన్స్ చేస్తున్న ఫొటో ఒకటి నెట్టింట్లో హల్‌ చల్ చేస్తున్న విషయం తెలిసిందే. ఈ చిత్రంలో కాజ‌ల్ అగ‌ర్వాల్ ఫీ మేల్ లీడ్ రోల్‌ పోషిస్తుండగా.. తెలుగు, తమిళ ప్రేక్షకులకు సుపరిచితులైన బాబీ సింహా, ర‌కుల్ ప్రీత్ సింగ్, ప్రియా భ‌వానీ శంక‌ర్‌, స‌ముద్రఖని ఇత‌ర కీలక పాత్రల్లో నటిస్తున్నారు.

ఇండియ‌న్ 2 చిత్రాన్ని లైకా ప్రొడక్షన్స్-రెడ్ జియాంట్ మూవీస్ బ్యానర్లపై ఉద‌య‌నిధి స్టాలిన్‌-సుభాస్కరన్‌ అత్యంత భారీ బడ్జెట్‌తో తెరకెక్కిస్తున్నారు. కమల్‌ హాసన్‌ నటించిన విక్రమ్‌ చిత్రానికి అదిరిపోయే మ్యూజిక్‌, బ్యాక్ గ్రౌండ్‌ స్కోర్‌ అందించిన అనిరుధ్ ర‌విచంద‌ర్ ఈ చిత్రానికి మ్యూజిక్ డైరెక్టర్‌‌.

శంకర్‌ ఇండియ‌న్ 2 షూటింగ్‌తోపాటు మరోవైపు రాంచరణ్‌తో చేస్తున్న ఆర్‌సీ 15 షూటింగ్‌ కూడా పూర్తి చేసే పనిలో బిజీగా ఉన్నాడు. కమల్ హాసన్‌ ఇండియన్‌ 2తోపాటు మణిరత్నం డైరెక్షన్‌లో 234వ ప్రాజెక్ట్‌ను కూడా లాంఛ్ చేసిన విషయం తెలిసిందే. ఈ చిత్రాన్ని మణిరత్నం, ఉదయనిధి స్టాలిన్‌, కమల్ హాసన్ హోం బ్యానర్లపై తెరకెక్కిస్తున్నారు.