Kamal Haasan | ప్రభాస్ ‘ప్రాజెక్ట్-కె’లో కమల్హాసన్ ఎందుకు నటిస్తున్నారో తెలుసా?
ప్రభాస్ నటిస్తున్న తాజా చిత్రం ‘కల్కి 2898 ఏడీ’ ఫస్ట్ గ్లింప్స్కు దేశవ్యాప్తంగా అద్భుతమైన స్పందన లభించింది. నాగ్అశ్విన్ దర్శకత్వం వహిస్తున్న ఈ చిత్రాన్ని సూపర్హీరో కథాంశంతో తెరకెక్కిస్తున్నారు.
Kamal Haasan | ప్రభాస్ నటిస్తున్న తాజా చిత్రం ‘కల్కి 2898 ఏడీ’ ఫస్ట్ గ్లింప్స్కు దేశవ్యాప్తంగా అద్భుతమైన స్పందన లభించింది. నాగ్అశ్విన్ దర్శకత్వం వహిస్తున్న ఈ చిత్రాన్ని సూపర్హీరో కథాంశంతో తెరకెక్కిస్తున్నారు. ఇటీవల అమెరికా శాండియాగో కామిక్ కాన్ ఈవెంట్లో టైటిల్, ఫస్ట్గ్లింప్స్ను ఆవిష్కరించిన విషయం తెలిసిందే. ఈ సినిమాలో అగ్ర నటుడు కమల్హాసన్ ప్రతినాయకుడి పాత్రలో కనిపించబోతున్నారు. అమెరికాలో ఓ హాలీవుడ్ పత్రికకు ఇచ్చిన ఇంటర్వ్యూలో ‘ప్రాజెక్ట్-కె’ చిత్రంలో తాను నటించడానికి గల కారణాలను వివరించారు కమల్హాసన్. ఆయన మాట్లాడుతూ ‘ఈ సినిమాలో నేను నటిస్తానని ఎవరూ ఊహించలేదు.
శాండియాగో ఈవెంట్లో ప్రభాస్ ఇదే విషయాన్ని నాతో అన్నారు. ‘ఈ సినిమాలో భాగమైనందుకు థాంక్యూ సర్. ఈ సినిమా కోసం మిమ్మల్ని ఎలా ఒప్పించారనే విషయం ఇప్పటికీ నాకు ఆశ్చర్యంగానే ఉంది’ అని ప్రభాస్ చెప్పారు. పురాణాలను, భవిష్యత్తును కలబోసి నాగ్అశ్విన్ గొప్ప కథను తయారు చేశాడు. మనందరం వేల సంవత్సరాలుగా పురాణాలను అనుసరిస్తున్నాం. వాటి గొప్పతనాన్ని ఈ సినిమాలో చూపించబోతున్నారు. అందుకే ప్రతినాయకుడి పాత్రలో నటించడానికి అంగీకరించా’ అని కమల్హాసన్ పేర్కొన్నారు. వైజయంతీ మూవీస్ సంస్థ నిర్మిస్తున్న ఈ చిత్రం వచ్చే ఏడాది ప్రేక్షకుల ముందుకురానుంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

