అప్పుడే పెళ్లా?

సుగి విజయ్‌, జుప్సీ భద్ర, హారిక రాజేందర్‌ ప్రధాన పాత్రల్లో నటించిన ప్రేమకథ ‘ఐ హేట్‌ మ్యారేజ్‌'. పరమేశ్‌ రేణుకుంట్ల దర్శకుడు. దయానంద్‌ మాదం, కార్తీక్‌ వెంపటి నిర్మాతలు. అక్టోబర్‌ చివరివారంలో సినిమా విడుదల కానున్నది.

సుగి విజయ్‌, జుప్సీ భద్ర, హారిక రాజేందర్‌ ప్రధాన పాత్రల్లో నటించిన ప్రేమకథ ‘ఐ హేట్‌ మ్యారేజ్‌’. పరమేశ్‌ రేణుకుంట్ల దర్శకుడు. దయానంద్‌ మాదం, కార్తీక్‌ వెంపటి నిర్మాతలు. అక్టోబర్‌ చివరివారంలో సినిమా విడుదల కానున్నది. మ్యూజిక్‌ ప్రమోషన్స్‌లో భాగంగా ఈ సినిమా నుంచి ‘అప్పుడే పెళ్లా?..’ అంటూ సాగే పాటను సోమవారం హైదరాబాద్‌లో జరిగిన పాత్రికేయుల సమావేశంలో విడుదల చేశారు.

ప్రముఖ నిర్మాత బెక్కెం వేణుగోపాల్‌ ఈ పాటను విడుదల చేసి, చిత్రబృందానికి శుభాకాంక్షలు అందించారు. కంటెంట్‌తోపాటు ఎమోషన్స్‌ ఉన్న సినిమా ఇదని, ఇందులో యువతకు సందేశం కూడా ఉందని మేకర్స్‌ తెలిపారు. ఈ సినిమాలో భాగం కావడం పట్ల హీరోహీరోయిన్లు ఆనందం వెలిబుచ్చారు. జెన్‌జీ బ్యాచ్‌కి కనెక్టయ్యే సినిమా ఇదని దర్శకుడు చెప్పాడు. ఈ చిత్రానికి కెమెరా: విజయ్‌ సి.కుమార్‌, సంగీతం: వరికుప్పల యాదగిరి.