Gangubai kathiawadi OTT | ఓటీటీలోకి ‘గంగుబాయి క‌తియావాడి’.. స్ట్రీమింగ్ ఎప్పుడంటే?

Gangubai kathiawadi On OTT | సినీరంగంలో న‌టిన‌టులు సినిమాల‌లో ఎన్ని పాత్ర‌లు చేసినా వాళ్ళ మ‌దిలో జీవితంలో గుర్తుండి పోయే పాత్ర ఒక‌టి చేయాల‌ని ఎంత‌గానో ఆశ ప‌డుతుంటారు. అందులో ముఖ్యంగా న‌టిమ‌ణులు లేడి ఓరియెంటెడ్ పాత్ర‌ల‌ను చేయాల‌ని ఎక్కువ‌గా ఆశ ప‌డుతుంటారు. ఎందుకంటే అలాంటి పాత్ర‌లు ఒక్క‌టి చేసిన ఆ పాత్ర ప్రేక్ష‌కుల‌లో చిర‌స్థాయిగా నిలిచిపోతుంద‌నే న‌మ్మ‌కం. ఇక ఇటీవ‌లే బాలీవుడ్‌లో ఆలీయా భ‌ట్ ప్రధాన పాత్ర‌లో న‌టించిన ‘గంగూబాయి క‌తియావాడి’ ఒక‌టి. ముంభైలోని కామ‌తిపుర రాజ్యానికి మాఫియా క్వీన్‌గా ఎదిగిన గంగూబాయి పాత్ర‌లో ఆలీయాభ‌ట్‌ న‌టించింది. ఈ చిత్రంలో ఆలీయా న‌ట‌న వ‌ర్ణనాతీతం. ప్రేక్ష‌కుల నుంచి విమర్శ‌కుల వ‌ర‌కు ఈమె న‌ట‌న‌కు ప్ర‌శంస‌లు జ‌ల్లులు కురిపించారు. సంజ‌య్ లీలా భ‌న్సాలీ ద‌ర్శ‌క‌త్వం వ‌హించిన ఈ చిత్రం డిజిట‌ల్ స్ట్రీమింగ్‌కు సిద్ధ‌మైంది.

గంగూబాయి క‌తియావాడి చిత్రం ఫిబ్ర‌వ‌రి 25న విడుద‌లై భారీ క‌లెక్ష‌న్ల‌ను సాధించింది. ఈ చిత్రంతో ఆలీయాభ‌ట్ 100కోట్ల క్ల‌బ్‌లో చేరింది. ఇప్ప‌టివ‌ర‌కు ఈ చిత్రం దాదాపు 130 కోట్ల నెట్ క‌లెక్షన్లు సాధించి రికార్డు సృష్టించింది. ఇక ఈ సినిమా ఓటీటీ విడుద‌ల తేదీని చిత్ర బృందం తాజాగా ప్ర‌క‌టించింది. ఈ చిత్రం ఏప్రిల్ 26నుంచి ‘నెట్‌ఫ్లిక్స్‌’లో హిందీతో పాటు తెలుగులోనూ స్ట్రీమింగ్ కానుంది. ఈ చిత్రంలో బాలీవుడ్ స్టార్ అజ‌య్ దేవ‌గ‌న్ కీల‌కపాత్ర‌లో న‌టించాడు.