Gangubai kathaiwadi | ఓటీటీలోకి ‘గంగుబాయి క‌ఠియావాడి’.. స్ట్రీమింగ్ ఎప్పుడంటే?

బాలీవుడ్ స్టార్ హీరోయిన్ ఆలియాభ‌ట్ ప్ర‌ధాన పాత్ర‌లో తెర‌క్కెక్కిన లేటెస్ట్ చిత్రం ‘గంగూబాయి క‌ఠియావాడి’. సంజ‌య్ లీలా భ‌న్సాలీ ద‌ర్శ‌క‌త్వం వ‌హించిన ఈ చిత్రం ఫిబ్ర‌వ‌రి 25న విడుద‌లైంది.

Gangubai kathaiwadi | బాలీవుడ్ స్టార్ హీరోయిన్ ఆలియాభ‌ట్ ప్ర‌ధాన పాత్ర‌లో తెర‌క్కెక్కిన లేటెస్ట్ చిత్రం ‘గంగూబాయి క‌ఠియావాడి’. సంజ‌య్ లీలా భ‌న్సాలీ ద‌ర్శ‌క‌త్వం వ‌హించిన ఈ చిత్రం ఫిబ్ర‌వ‌రి 25న విడుద‌లైంది. మొద‌టి షో నుంచే ఈ చిత్రం పాజిటీవ్ రివ్యూల‌ను తెచ్చుకుని బాక్సాఫీస్ ద‌గ్గ‌ర మంచి క‌లెక్ష‌న్ల‌ను రాబ‌డుతుంది. ఈ చిత్రంలో ఆలియా న‌ట‌నకు ప్రేక్ష‌కులే కాకుండా విమ‌ర్శ‌కుల‌ నుంచి మంచి ప్ర‌శంస‌లు ద‌క్కాయి. కామాతిపుర రాజ్యానికి గంగుబాయి మాఫియా క్వీన్‌గా ఎలా ఎదిగింది అనే క‌థాంశంతో ఈ చిత్రం తెర‌కెక్కింది. తాజాగా ఈ చిత్రం డిజిట‌ల్‌లోకి రానున్న‌ట్లు తెలుస్తుంది.

‘గంగుబాయి క‌ఠియావాడి’ చిత్రాన్ని మార్చి 25 నుంచి ప్ర‌ముఖ ఓటీటీ సంస్థ నెట్‌ఫ్లిక్స్‌లో స్ట్రీమింగ్ కానున్నట్లు తెలుస్తుంది. ఈ చిత్రం విడుద‌లైన నాలుగు వారాల త‌ర్వాత డిజిట‌ల్ స్ట్రీమింగ్ చేయాల‌ని నెట్‌ఫ్లీక్స్ సంస్థ ఈ చిత్ర మేక‌ర్స్‌తో డీల్ కుదిరించుకుంద‌ని సమాచారం. గంగూబాయి క‌తియావాడి చిత్రంతో అలియా వంద కోట్ల క్ల‌బ్‌లో చేరింది. ఇప్ప‌టివ‌ర‌కు ఈ చిత్రం 107కోట్ల క‌లెక్ష‌న్ల‌ను సాధించింది.ఈ చిత్రంలో బాలీవుడ్ స్టార్ అజయ్ దేవ‌గ‌న్ కీల‌క‌పాత్ర‌లో న‌టించాడు. లేటెస్ట్‌గా ఆలియా భ‌ట్ నెట్‌ఫ్లిక్స్ సంస్థ తెర‌కెక్కిస్తున్న ‘హ‌ర్ట్ ఆఫ్ స్టోన్‌’తో హాలీవుడ్‌లోకి ఎంట్రీ ఇవ్వ‌బోతుంది.