Visit:
మంచు విష్ణు హీరోగా నటిస్తున్న సినిమా ‘జిన్నా’. సన్నీ లియోన్‌, పాయల్‌ రాజ్‌పుత్‌ నాయికలుగా నటిస్తున్నారు. 24 ఫ్రేమ్స్‌ ఫ్యాక్టరీ, అవ ఎంటర్‌టైన్‌మెంట్స్‌ సంయుక్తంగా నిర్మిస్తున్నాయి. ఈషాన్‌ సూర్య దర్శకుడు. రచయిత కోన వెంకట్‌ కథ కథనం అందించడంతో పాటు క్రియేటివ్‌ ప్రొడ్యూసర్‌గా వ్యవహరిస్తున్నారు. ప్రస్తుతం రెగ్యులర్‌ చిత్రీకరణలో ఉందీ సినిమా. తాజాగా మంచు విష్ణు, పాయల్‌ రాజ్‌పుత్‌, సన్నీలియోన్‌పై ఓ పాటను బాలీవుడ్‌ కొరియోగ్రాఫర్‌ గణేష్‌ ఆచార్య నృత్య రూపకల్పనలో రూపొందిస్తున్నారు. ఈ పాట సినిమాకు ప్రత్యేక ఆకర్షణ అవుతుందని చిత్ర బృందం చెబుతున్నారు. దర్శకుడు జి నాగేశ్వరరెడ్డి మూలకథ అందించిన ఈ చిత్రానికి సంగీతం : అనూప్‌ రూబెన్స్‌, సినిమాటోగ్రఫీ : ఛోటా కె నాయుడు.
