ఎన్టీఆర్‌నీల్‌ మూవీ రిలీజ్‌ అప్పుడే

అగ్ర హీరో ఎన్టీఆర్‌, డైరెక్టర్‌ ప్రశాంత్‌నీల్‌ కాంబినేషన్‌లో సినిమా మొదలైన నాటినుంచి అటు అభిమానుల్లో ఇటు ఇండస్ట్రీ వర్గాల్లో అంచనాలు మొదలయ్యాయి.

అగ్ర హీరో ఎన్టీఆర్‌, డైరెక్టర్‌ ప్రశాంత్‌నీల్‌ కాంబినేషన్‌లో సినిమా మొదలైన నాటినుంచి అటు అభిమానుల్లో ఇటు ఇండస్ట్రీ వర్గాల్లో అంచనాలు మొదలయ్యాయి. ఈ సినిమా అప్‌డేట్స్‌, విడుదల తేదీ కోసం అభిమానులంతా ఆతృతగా ఎదురుచూస్తున్నారు. వారందరి ఎదురు చూపులకు స్వస్తి పలుకుతూ ఈ సినిమా ఫస్ట్‌ గ్లింప్స్‌, రిలీజ్‌ డేట్‌ల వివరాలను మంగళవారం మేకర్స్‌ ప్రకటించారు. ‘ఎన్టీఆర్‌నీల్‌’ మూవీ ఫస్ట్‌ గ్లింప్స్‌ ఈ ఏడాది మే 20న ఎన్టీఆర్‌ పుట్టినరోజు కానుకగా రిలీజ్‌ చేయబోతున్నారు. ఆ గ్లింప్స్‌ ద్వారా ఓ శక్తివంతమైన సినిమాటిక్‌ ప్రపంచాన్ని ప్రేక్షకులకు పరిచయం చేయబోతున్నట్టు మేకర్స్‌ ప్రకటించారు.

అలాగే, జూన్‌ 11, 2027న సినిమాను థియేటర్లలో విడుదల చేయనున్నట్టు ప్రకటనలో పేర్కొన్నారు. ఈ సందర్భంగా విడుదల చేసిన పోస్టర్‌లో నీడలా కనిపిస్తున్న ఎన్టీఆర్‌ని చూడొచ్చు. తెలుగు, తమిళ, కన్నడ, హిందీ, మలయాళంతో సహా పలు భాషల్లో పానిండియా స్థాయిలో విడుదల కానున్న ఈ చిత్రంలో ఎన్టీఆర్‌ అత్యంత శక్తివంతమైన పాత్రతో మెప్పిస్తారని, యాక్షన్‌తో పాటు భావోద్వేగాలు సైతం ఇందులో ఆకట్టుకునేలా ఉంటాయని మేకర్స్‌ తెలిపారు. రుక్మిణీ వసంత్‌ కథానాయికగా నటిస్తున్న ఈ చిత్రంలో బాలీవుడ్‌ స్టార్‌ అనిల్‌కపూర్‌ కీలక పాత్రధారి. ఈ చిత్రానికి కెమెరా: భువన్‌ గౌడ, సంగీతం: రవి బస్రూర్‌, నిర్మాతలు నందమూరి కల్యాణ్‌రామ్‌, నవీన్‌ ఎర్నేని, రవిశంకర్‌ యలమంచిలి, హరికృష్ణ కొసరాజు, నిర్మాణం: మైత్రీ మూవీమేకర్స్‌, ఎన్టీఆర్‌ ఆర్ట్స్‌.