Visit:
‘కింగ్డమ్’ఫేం వెంకటేశ్ వి.పి హీరోగా, సురేశ్ తేజ్ దర్శకత్వంలో ‘కె-ర్యాంప్’ఫేం బొమ్మక్ శివ ఓ చిత్రాన్ని నిర్మిస్తున్నారు. ‘డి.జి.పి’ అనేది ఈ సినిమా వర్కింగ్ టైటిల్. విజయ్ దేవరకొండ హీరోగా నటించిన ‘కింగ్డమ్’ చిత్రంలోని మురుగన్ పాత్రలో వెంకటేశ్ పి.వి నటనకు తెలుగు ప్రేక్షకుల్లో మంచి స్పందన వచ్చింది. ఇప్పుడు ‘డి.జి.పి’ చిత్రం ద్వారా ఆయన హీరోగా తెలుగులో ఎంట్రీ ఇస్తుండటం విశేషం.
గురువారం వెంకటేశ్.వి.పి. పుట్టినరోజు. ఈ సందర్భంగా ఆయనకు శుభాకాంక్షలు తెలుపుతూ ఓ వీడియో గ్లింప్స్ని మేకర్స్ విడుదల చేశారు. విభిన్నమై కాన్సెప్ట్తో రూపొందించిన ఈ గ్లింప్స్లో నిర్మాత బొమ్మక్ శివ, దర్శకుడు సురేశ్ తేజ్ కూడా నటించారు. సరదాగా ఫన్నీగా ఈ గ్లింప్స్ సాగింది. ఈచిత్రానికి మాటలు: గడ్డం సురేశ్, కెమెరా: హరి వరణ్, సంగీతం: గ్యాని.
