Deepika – Ranveer | రణవీర్–దీపికాల డ్రీమ్ హౌజ్ సిద్ధం… విలాసవంతమైన మాన్షన్‌లోకి ఎప్పుడు అడుగుపెట్ట‌నున్నారు..!

Deepika - Ranveer | బాలీవుడ్ స్టార్ కపుల్ రణవీర్ సింగ్–దీపికా పదుకొనే తమ కలల ఇంటిని ముంబైలో సిద్ధం చేసుకున్నారు. బాంద్రా బ్యాండ్‌స్టాండ్ ప్రాంతంలో సుమారు రూ.119 కోట్ల భారీ వ్యయంతో కొనుగోలు చేసిన ఈ విలాసవంతమైన నివాసం ప్రస్తుతం దేశవ్యాప్తంగా చర్చనీయాంశంగా మారింది.

Deepika – Ranveer | బాలీవుడ్ స్టార్ కపుల్ రణవీర్ సింగ్–దీపికా పదుకొనే తమ కలల ఇంటిని ముంబైలో సిద్ధం చేసుకున్నారు. బాంద్రా బ్యాండ్‌స్టాండ్ ప్రాంతంలో సుమారు రూ.119 కోట్ల భారీ వ్యయంతో కొనుగోలు చేసిన ఈ విలాసవంతమైన నివాసం ప్రస్తుతం దేశవ్యాప్తంగా చర్చనీయాంశంగా మారింది. అరేబియా సముద్ర తీరాన నిర్మితమైన ఈ మాన్షన్ ప్రకృతి అందాల మధ్య ప్రత్యేక ఆకర్షణగా నిలుస్తోంది. ఈ భవనం కేవలం ఒక ఇల్లు మాత్రమే కాకుండా, ఈ స్టార్ జంట యొక్క స్థాయి, అభిరుచికి ప్రతీకగా మారింది. ఈ నివాసం బాలీవుడ్ బాద్‌షా షారుఖ్ ఖాన్ ఇంటి ‘మన్నత్’కు సమీపంలో ఉండటం మరో ప్రత్యేకత. బాంద్రాలోని సాగర్ రేష్మ్ అపార్ట్‌మెంట్‌లో 16 నుంచి 19వ అంతస్తుల వరకు విస్తరించిన ఈ గృహం ‘క్వాడ్రప్లెక్స్’ రూపంలో నిర్మితమైంది.

సుమారు 11,266 చదరపు అడుగుల కార్పెట్ ఏరియా కలిగిన ఈ ఇంటి నుంచి అరేబియా సముద్రం అద్భుత దృశ్యాలు కనిపిస్తాయి. అదనంగా 1300 చదరపు అడుగుల టెర్రస్ కూడా ఉండటంతో, ప్రైవేట్ వేడుకలు, ప్రత్యేక సందర్భాలకు ఇది సరైన వేదికగా మారనుంది. ముంబైలో పార్కింగ్ సమస్యలు ఉన్నప్పటికీ, ఈ నివాసానికి ఏకంగా 19 పార్కింగ్ స్లాట్లు కేటాయించడం విశేషం. ఇది ఈ ప్రాజెక్ట్ ఎంత పక్కా ప్రణాళికతో రూపొందించబడిందో తెలియజేస్తోంది. ఈ ఆస్తి కొనుగోలు ధరతో పాటు సుమారు రూ.7.13 కోట్ల స్టాంప్ డ్యూటీ చెల్లించినట్లు సమాచారం. రణవీర్ తండ్రి జుగ్జీత్ సుందర్‌సింగ్ భవ్నానీకి చెందిన సంస్థ ద్వారా ఈ లావాదేవీలు జరిగినట్లు తెలుస్తోంది.

ఇంటి లోపలి డిజైన్, ఇంటీరియర్ పనులను రణవీర్–దీపికా జంట స్వయంగా పర్యవేక్షిస్తున్నారు. ఆధునిక సౌకర్యాలతో పాటు లగ్జరీ లైఫ్‌స్టైల్‌కు అనుగుణంగా ఈ ఇంటిని తీర్చిదిద్దుతున్నారు. త్వరలోనే ఈ జంట తమ కొత్త ఇంటిలోకి మారేందుకు సిద్ధమవుతోంది. సముద్రపు అలల నడుమ, స్టార్ సెలబ్రిటీల పొరుగు మధ్య ఈ నివాసం బాలీవుడ్‌లో ఒక ఐకానిక్ హోమ్‌గా మారడం ఖాయం. .