Comrade Kalyan | 21 రోజుల్లోనే ఓటీటీలోకి ‘కామ్రేడ్ కళ్యాణ్’.. ఎలాంటి ప్రకటన లేకుండా స్ట్రీమింగ్ ప్రారంభం!
Comrade Kalyan | టాలీవుడ్ నటుడు శ్రీవిష్ణు నటించిన ‘కామ్రేడ్ కళ్యాణ్’ సినిమా ఓటీటీలోకి వచ్చేసింది. థియేటర్లలో విడుదలైన మూడు వారాల్లోనే డిజిటల్ ప్రేక్షకుల ముందుకు వచ్చింది. అక్టోబర్ 9న థియేటర్లలో విడుదలైన ఈ చిత్రం మంచి ఆదరణతో పాటు బాక్సాఫీస్ వద్ద విజయాన్ని అందుకుంది.
Comrade Kalyan | టాలీవుడ్ నటుడు శ్రీవిష్ణు నటించిన ‘కామ్రేడ్ కళ్యాణ్’ సినిమా ఓటీటీలోకి వచ్చేసింది. థియేటర్లలో విడుదలైన మూడు వారాల్లోనే డిజిటల్ ప్రేక్షకుల ముందుకు వచ్చింది. అక్టోబర్ 9న థియేటర్లలో విడుదలైన ఈ చిత్రం మంచి ఆదరణతో పాటు బాక్సాఫీస్ వద్ద విజయాన్ని అందుకుంది. ఇప్పుడు అక్టోబర్ 30 నుంచి ప్రముఖ ఓటీటీ వేదిక అమెజాన్ ప్రైమ్ వీడియోలో స్ట్రీమింగ్ అవుతోంది. ఎలాంటి ముందస్తు ప్రకటన లేకుండానే ఈ సినిమా ఓటీటీలో అందుబాటులోకి రావడం విశేషం.శ్రీవిష్ణు, మహిమా నంబియార్ జంటగా నటించిన ఈ చిత్రానికి జనకిరామ్ మారెళ్ల దర్శకత్వం వహించారు. కోన వెంకట్ సమర్పణలో వెంకట కృష్ణ కర్నాటి, సీతా కర్నాటి నిర్మించారు. రాధికా శరత్కుమార్, షైన్ టామ్ చాకో, ఉపేంద్ర లిమాయే, సత్య తదితరులు కీలక పాత్రలు పోషించారు. థియేటర్లలో ప్రేక్షకులను నవ్వించిన ఈ సినిమా ఇప్పుడు ఓటీటీలోనూ వినోదం పంచేందుకు సిద్ధమైంది.
సాధారణంగా సినిమాలు థియేటర్లలో విడుదలైన నాలుగు వారాల తర్వాత ఓటీటీలోకి రావడం ఇటీవల సాధారణంగా మారింది. కానీ ‘కామ్రేడ్ కళ్యాణ్’ మాత్రం కేవలం 21 రోజుల్లోనే డిజిటల్ వేదికపైకి వచ్చేసింది. తెలుగు, తమిళం, హిందీ, మలయాళం, కన్నడ భాషల్లో అమెజాన్ ప్రైమ్ వీడియోలో అందుబాటులో ఉంది. థియేటర్లలో ఈ సినిమాను మిస్ అయిన ప్రేక్షకులు ఇప్పుడు ఇంట్లోనే వీక్షించవచ్చు. ‘కామ్రేడ్ కళ్యాణ్’ కథేంటనేది చూస్తే.. ఈ సినిమా కథ 1990వ దశకంలో ఆంధ్రప్రదేశ్, ఒడిశా సరిహద్దు ప్రాంతంలో సాగుతుంది. పెద్దగా చదువుకోని తాడికొండ కళ్యాణ్ (శ్రీవిష్ణు) ఓ గ్రామంలో థియేటర్ను లీజుకు తీసుకుని నడుపుతుంటాడు. మరోవైపు అడవుల్లోని నక్సలైట్ దళాలను అణచివేసేందుకు ఐపీఎస్ అధికారి జార్జ్కుట్టి (షైన్ టామ్ చాకో) ప్రత్యేకంగా నియమితుడవుతాడు. దీంతో మాస్టర్ (సాయిచంద్) నేతృత్వంలోని దళానికి, పోలీసులకు మధ్య పోరు కొనసాగుతుంటుంది.
ఇలాంటి పరిస్థితుల్లో సితార (మహిమా నంబియార్) అనే ఒడియా యువతి తన తల్లిదండ్రులతో కలిసి ఆ గ్రామానికి వస్తుంది. ప్రాణాపాయ స్థితిలో ఉన్న ఆమె తల్లి సరస్వతమ్మను (రాధికా శరత్కుమార్) కాపాడిన సితారను చూసి కళ్యాణ్ ప్రేమలో పడతాడు. ఆమెతో కలిసి జీవితాన్ని గడపాలని ఆశపడతాడు. అయితే సితార కుటుంబం ఆర్థిక ఇబ్బందుల్లో ఉందని తెలుసుకున్న కళ్యాణ్.. వారిని ఆ కష్టాల నుంచి బయటపడేయాలని నిర్ణయించుకుంటాడు. ఈ క్రమంలో తన స్నేహితుడు దుబాయ్ బాబు (సత్య) సహాయంతో ఓ మార్గాన్ని ఎంచుకుంటాడు. కానీ ఆ నిర్ణయం అతడి జీవితాన్ని పూర్తిగా మార్చేస్తుంది. సాధారణంగా థియేటర్ నడుపుకునే కళ్యాణ్ కాస్తా పోలీసులకు మోస్ట్ వాంటెడ్గా మారి ‘కామ్రేడ్ కళ్యాణ్’గా ఎలా మారాడు? నక్సలైట్ దళాలకు అతడికి ఉన్న సంబంధం ఏమిటి? అతడి జీవితంలో చోటుచేసుకున్న పరిణామాలేంటి? అనేది సినిమాలో ఆసక్తికరంగా చూపించారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Komatireddy Rajagopal Reddy | ఖబడ్దార్ బిడ్డా యుద్దం స్టార్ట్ అయితది.. రేవంత్ రెడ్డికి ఎమ్మెల్యే కోమటిరెడ్డి రాజగోపాల్ రెడ్డి మాస్ వార్నింగ్
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
Dogra Front | లష్కరే ఉగ్రవాది ఎన్కౌంటర్.. జమ్ముకశ్మీర్లో డోగ్రా ఫ్రంట్ సంబురాలు.. Video
Robert Pattinson | రాబర్ట్ స్టార్ హీరో కనుకే తొలుత వ్యతిరేకించాం.. జేమ్స్ బాండ్ ఎంపికపై జెఫ్ బెజోస్ ఆసక్తికర వ్యాఖ్యలు!
Jobs | నైవేలి లిగ్నైట్ కార్పొరేషన్ ఇండియా లిమిటెడ్లో 145 ఎగ్జిక్యూటివ్ ఇంజినీర్ పోస్టులు
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

