Bommarillu Bhaskar | బొమ్మరిల్లు సినిమాతో దర్శకుడిగా సంచలన ఎంట్రీ ఇచ్చిన భాస్కర్ .. ఆ తర్వాత ఆ జోరును కొనసాగించడంలో విఫలమయ్యాడు. బొమ్మరిల్లు తర్వాత అల్లు అర్జున్తో చేసిన పరుగు సినిమా ఫర్లేదు అనిపించింది కానీ సూపర్ హిట్ అవ్వలేదు. ఆ తర్వాత ఆరెంజ్, ఒంగోలు గిత్త సినిమాలు కూడా ఆకట్టుకోలేకపోయాయి. తమిళంలో బెంగళూరు నాట్కల్ అని తీసినా అది కూడా వర్కవుట్ కాలేదు. ఒక్కముక్కలో చెప్పాలంటే బొమ్మరిల్లు తర్వాత 14 సంవత్సరాల పాటు భాస్కర్ ఖాతాలో మరో హిట్ లేదు. ఇన్ని సంవత్సరాలకు 2021లో అఖిల్ అక్కినేని హీరోగా వచ్చిన మోస్ట్ ఎలిజిబుల్ బ్యాచిలర్ సినిమాతో విజయం అందుకొన్నాడు భాస్కర్. దీంతో ఇప్పుడు మళ్లీ సినిమాలు చేసేందుకు నిర్మాతలు ఆసక్తిగా చూస్తున్నారు. ఈ క్రమంలో బొమ్మరిల్లు భాస్కర్ తర్వాత సినిమా ఎవరితో ఉండబోతుందనేది ఇప్పుడు ఆసక్తికరంగా మారింది.
పెళ్లి చేసుకోవడానికి కావాల్సిన అర్హతలు ఏమిటి అనే కాన్సెప్టుతో ఈ కథ రాసుకున్నాడు భాస్కర్. యువతకు నచ్చేలా.. కుటుంబ ప్రేక్షకులను అలరించేలా బొమ్మరిల్లు భాస్కర్ ఈ సినిమాను తెరకెక్కించిన తీరు అందరినీ ఆకట్టుకుంది. గీతా ఆర్ట్స్ 2 నిర్మించిన ఈ సినిమా 23 కోట్లకు పైగా వసూలు చేసి మంచి విజయం అందుకుంది. అఖిల్ అక్కినేనికి తన కెరీర్లో ఇది మొదటి విజయం. మోస్ట్ ఎలిజిబుల్ బ్యాచ్లర్ సినిమా తర్వాత బొమ్మరిల్లు భాస్కర్ కోసం మళ్లీ నిర్మాతలు క్యూ కడుతున్నారు. ఈయన తర్వాత సినిమా ఎవరితో చేయబోతున్నాడని టాలీవుడ్లో ఆసక్తికరమైన చర్చ జరుగుతోంది. దీనికి సమాధానంగా మెగా కాంపౌండ్ పేరు వినిపిస్తుంది. ఇప్పటికే రామ్ చరణ్, అల్లు అర్జున్ లతో సినిమాలు చేశాడు బొమ్మరిల్లు భాస్కర్ . ఇప్పుడు వైష్ణవ్ తేజ్ హీరోగా ఒక సినిమా చేయడానికి ఆయన కథ సిద్ధం చేసుకున్నట్లు ప్రచారం జరుగుతోంది. యూత్ ఫుల్ రొమాంటిక్ ఎంటర్టైనర్గా ఈ సినిమా తెరకెక్కబోతున్నట్లు తెలుస్తోంది. ప్రముఖ నిర్మాణ సంస్థలో ఈ సినిమా రానుంది. త్వరలోనే దీనిపై అధికారిక సమాచారం బయటకు రానుంది.
ఉప్పెన సినిమాతో హీరోగా ఎంట్రీ ఇచ్చిన వైష్ణవ్ తేజ్ ఈ మధ్య కొండ పొలం సినిమాతో వచ్చాడు. అయితే ఇది అంచనాలను అందుకోవడంలో విఫలమైంది. ప్రస్తుతం మూడు సినిమాలతో బిజీగా ఉన్నాడు వైష్ణవ్ తేజ్. మరి ఇవన్నీ పూర్తయ్యే వరకు బొమ్మరిల్లు భాస్కర్ వేచి చూస్తాడా లేదా అనేది చూడాలి.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
దృశ్యం పాపను గుర్తుపట్టారా ? ఇంతలా మారిపోయిందేంటి?
బొమ్మరిల్లు భాస్కర్కు ఎందుకు అంత గ్యాప్ వచ్చింది?
Bommarillu : జెనీలియా చేయనంటే బన్నీనే ఒప్పించాడట..!
బొమ్మరిల్లు సినిమా మిస్ చేసుకున్న హీరోలు ఎవరో తెలుసా..?
మోస్ట్ ఎలిజిబుల్ బ్యాచ్లర్ ఓటీటీ రిలీజ్ పై అల్లు అరవింద్ క్లారిటీ
ఉప్పెన 2 సినిమాపై దర్శకుడు బుచ్చి బాబు ఆసక్తికర వ్యాఖ్యలు